ശനിയുടെ ഏഴാം
വളയത്തിലെത്തിയപ്പോൾ
എന്റെ പേടകം
പാടെ നിലച്ചുപോയ്.
പുറകേ
രേഖമാഞ്ഞു
സംജ്ഞ മുറിഞ്ഞു.
ചുറ്റുമെമ്പാടും തരിമിനുക്കങ്ങൾ
തണുത്ത മൗനം.
നിലയത്തിലേക്കയച്ച
അവസാന സന്ദേശം
താരാവശിഷ്ടങ്ങളിൽ
വീണടിഞ്ഞു.
അക്കവും ചിത്രവും
വിണ്ടുപൊട്ടി
അതീതത്തിൽ സൂചിവീഴുന്നതിൻ
നേർത്ത ശബ്ദം.
മറുഗോളത്തിലിപ്പോൾ
മഞ്ഞുവീഴും നിശാന്തം.
മനനത്തിന്റെ ഏഴാം കാലത്തിൽ
ഞെട്ടിയുണർന്നു പരജീവിയൊരാൾ.
പ്രേരണയാലയാൾ
പുറപ്പെടുന്നൂ വിദൂരത്തിൽ,
ഇന്ധനവുമായ്
മനോവേഗത്തിൽ.
സാവധാനം ഞാനടുക്കുന്നൂ
അടുത്ത വളയത്തിലേക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.