മിലാൻ: ആഴ്സനൽ മിഡ്ഫീൽഡർ ആരോൺ റംസിയെ ജൂലൈ ട്രാൻസ്ഫർ വിൻഡോയിൽ യുവൻറസിന് കൈമാറും. വെയ്ൽസ് താരത്തിെൻറ കൂടുമാറ്റം ഇരു ക്ലബുകളും സ്ഥിരീകരിച്ചു. നാലു വർഷത് തേക്കാണ് കരാറെന്നാണ് സൂചന. 2008ൽ കാർഡിഫ് സിറ്റിയിൽനിന്നാണ് താരം ആഴ്സനലിലെത്തുന്നത്. നീണ്ട 11 വർഷം ഗണ്ണേഴ്സിനായി 258 മത്സരങ്ങളിലോളം ജഴ്സിയണിഞ്ഞ താരം 38 ഗോളുകൾ നേടിയിട്ടുണ്ട്.
ജോൺ ചാർലസിനും ഇയാൻ റഷിനും പിന്നാലെ യുവൻറസിനായി ബൂട്ടണിയുന്ന മൂന്നാം വെയ്ൽസ് താരമാവും റംസി. ആഴ്സനൽ വിടുമെന്ന വാർത്ത പുറത്തുവന്നതിനു പിന്നാലെ ബാഴ്സലോണ, റയൽ മഡ്രിഡ്, പി.എസ്.ജി, ഇൻറർ മിലാൻ തുടങ്ങിയ വമ്പൻ ക്ലബുകൾ താരത്തിനു പിന്നാലെയുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.