മേഹുലി ഘോഷും തുഷാർ മാനെയും മെഡലുകളുമായി
ചാങ്വോൺ (ദക്ഷിണ കൊറിയ): ഷൂട്ടിങ് ലോകകപ്പിൽ ഇന്ത്യക്ക് രണ്ടാം സ്വർണം. 10 മീറ്റർ എയർ റൈഫിൾ മിക്സഡ് ഡബ്ൾസിൽ മേഹുലി ഘോഷ്-തുഷാർ മാനെ ജോടിയാണ് സ്വർണം വെടിവെച്ചിട്ടത്. 10 മീറ്റർ എയർ പിസ്റ്റൾ മിക്സഡ് ഡബ്ൾസിൽ പാലക്-ശിവ നർവാൾ സഖ്യം വെങ്കലവും കരസ്ഥമാക്കി. ഫൈനലിൽ ഹംഗറിയുടെ എസ്തർ മെസാറോസ്-ഇസ്റ്റ്‍വൻ പെൻ ജോടിയെ 17-13നാണ് ഇന്ത്യൻ സഖ്യം തോൽപിച്ചത്. സീനിയർ തലത്തിൽ തുഷാർ മാനെയുടെ ആദ്യ അന്താരാഷ്ട്ര സ്വർണമാണിത്. മേഹുലി 2019ൽ കാഠ്മണ്ഡുവിൽ നടന്ന സാഫ് ഗെയിംസിൽ സ്വർണം നേടിയിരുന്നു.
മൂന്നാം സ്ഥാനക്കാർക്കുള്ള മത്സരത്തിൽ കസാഖ്സ്താന്റെ ഐറിന ലോക്റ്റിനോവ-വലേറി റഖിംഷാൻ ജോടിയെ 16-0ത്തിന് തകർത്താണ് പലക്-ശിവ സഖ്യം വെങ്കലം കരസ്ഥമാക്കിയത്. നേരത്തേ, അർജുൻ ബാബുതയിലുടെ ആദ്യ സ്വർണം നേടിയിരുന്ന ഇന്ത്യ സെർബിയക്കുപിന്നിൽ പോയന്റ് പട്ടികയിൽ രണ്ടാം സ്ഥാനത്താണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.