ദേശീയ ജൂനിയർ ഫുട്ബാൾ കേരള ടീമിനെ പ്രഖ്യാപിച്ചു

കൊച്ചി: ബംഗളൂരുവിൽ ആഗസ്റ്റ് 25 മുതൽ സെപ്തംബർ ഒമ്പത് വരെ നടക്കുന്ന ദേശീയ ജൂനിയർ ഫുട്ബാൾ ചാമ്പ്യൻഷിപ്പിൽ (ടയർ-1) പങ്കെടുക്കുന്നതിനുള്ള സംസ്ഥാന ജൂനിയർ ബോയ്സ് ടീമിനെ കേരള ഫുട്ബാൾ അസോസിയേഷൻ പ്രഖ്യാപിച്ചു. കൊല്ലം സ്വദേശി അനോക് ഷോൺ ആന്റണിയാണ് ക്യാപ്റ്റൻ. വി. സുരേഷ് ബാബുവാണ് ഹെഡ് കോച്ച്.

കേരള ടീം

ഗോൾകീപ്പർമാർ: സുമൈൽ മുഹമ്മദ് നിസാർ (കാസർഗോഡ്), അദ്നാൻ മൻഷാദ് (കോഴിക്കോട്).

പ്രതിരോധ നിര: കെ.വി. ആരുഷ് (കാസർഗോഡ്), അനോക് ഷോൺ ആന്റണി (ക്യാപ്റ്റൻ - കൊല്ലം), മുഹമ്മദ് ഹാദി (തൃശൂർ), കാശിഫ് മിൻഹാജ് (മലപ്പുറം), സായന്ത് (കാസർഗോഡ്), മുഹമ്മദ് റിഷാൽ (കോട്ടയം), മുഹമ്മദ് ഷാമിൽ (മലപ്പുറം).

മധ്യനിര: മുഹമ്മദ് ഇർഫാൻ (കോട്ടയം), നിഹാൽ കെ. മുജീബ് (എറണാകുളം), മുഹമ്മദ് സുഹൈബ് (കോഴിക്കോട്), ആൻഡൽ മൻജു ജോസഫ് (കോട്ടയം), മുഹമ്മദ് ഫൈസാൻ (കാസർഗോഡ്), ശ്രീനന്ദനൻ (മലപ്പുറം), അഭിഷേക് (പാലക്കാട്).

മുന്നേറ്റനിര: ഷാനിജ് (കോഴിക്കോട്), മുഹമ്മദ് ആരിഷ് ഖാൻ (മലപ്പുറം), തൗഫീഖ് (കാസർഗോഡ്), സൗരവ് (കണ്ണൂർ).

ടയർ 1 ഗ്രൂപ്പ് എ-യിൽ മണിപ്പൂർ, തെലങ്കാന, അസാം എന്നീ ടീമുകൾക്കൊപ്പമാണ് കേരളം മാറ്റുരക്കുന്നത്. ആഗസ്റ്റ് 28ന് തൃശൂരിൽനിന്ന് ടീം ബെംഗളൂരുവിലേക്ക് തിരിക്കും.