ആലുവ: റോഡിൽ അലഞ്ഞുതിരിഞ്ഞു നടന്ന പോത്തിനെ ഇടിച്ച് പരിക്കേറ്റ ബൈക്ക് യാത്രികൻ ചികിത്സയിലിരിക്കെ മരിച്ചു. എൻ.എ.ഡി മണലിമുക്കിൽ ആലമ്പിള്ളി കമ്പനിക്ക് സമീപം കൊടിയാമറ്റത്ത് അജ്മൽ കരീം (26) ആണ് മരിച്ചത്.
ബുധനാഴ്ച്ച പുലർച്ചെ എൻ.എ.ഡി റോഡിൽ പുള്ളാലിക്കരയിൽ വച്ചാണ് അപകടം. അലഞ്ഞുതിരിഞ്ഞു നടന്ന പോത്ത് ബൈക്കിന് വട്ടം ചാടുകയായിരുന്നു. ഇടിയുടെ ആഘാതത്തിൽ തലക്ക് ഗുരുതരമായ പരിക്കേറ്റ അജ്മലിനെ ആശുപത്രിയിലെത്തിച്ചെങ്കിലും മരിച്ചു.
ഡ്രൈവറായിരുന്ന യുവാവ് രാത്രി ജോലികഴിഞ്ഞ ശേഷം വീട്ടിലേക്ക് മടങ്ങുമ്പോഴായിരുന്നു അപകടം. പോസ്റ്റ് മോർട്ടത്തിനു ശേഷം കുഴിക്കട്ടുകര മുസ്ലിം ജമാഅത്ത് പള്ളി ഖബർസ്ഥാനിൽ കബറടക്കി.
പിതാവ്: അബ്ദുൽ കരീം. മാതാവ്: റുബിയത്ത്. സഹോദരങ്ങൾ: അജാസ് കരീം, അജ്ഫർ കരീം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.