താ​മ​ര​ശ്ശേ​രി​യി​ൽ കാര്‍ സ്‌കൂട്ടറില്‍തട്ടി മതിലിലിടിച്ച് നാലു വയസ്സുകാരൻ മരിച്ചു

താ​മ​ര​ശ്ശേ​രി: ദേ​ശീ​യ പാ​ത​യി​ൽ നി​യ​ന്ത്ര​ണം​വി​ട്ട കാ​ര്‍ സ്‌​കൂ​ട്ട​റി​ല്‍ ത​ട്ടി മ​തി​ലി​ലി​ടി​ച്ച് നാ​ലു​വ​യ​സ്സു​കാ​ര​ൻ മ​രി​ച്ചു. കാ​രാ​ടി വ​ട്ട​ക്കു​ണ്ട് പാ​ല​ത്തി​ന് സ​മീ​പം വ്യാ​ഴാ​ഴ്ച വൈ​കു​ന്നേ​രം അ​ഞ്ചേ​കാ​ലോ​ടെ​യാ​ണ് അ​പ​ക​ടം. വ​യ​നാ​ട് ന​ട​വ​യ​ൽ നെ​യ്ക്കു​പ്പ കാ​ഞ്ഞി​ര​ത്താ​ൻ​കു​ന്നേ​ൽ ഷി​ബു മാ​ത്യു​വി​ന്റെ മ​ക​ൻ സാ​വി​യോ (4) ആ​ണ് മ​രി​ച്ച​ത്. അ​പ​ക​ട​ത്തി​ൽ ഷി​ബു മാ​ത്യു (34), ഭാ​ര്യ റീ​ജ (30), റീ​ജ​യു​ടെ മാതാവ് റീ​ന (50), സ്‌​കൂ​ട്ട​ർ യാ​ത്രി​ക​നാ​യ താ​മ​ര​ശ്ശേ​രി ചു​ണ്ട​ക്കു​ന്ന് സ്വ​ദേ​ശി അ​രു​ൺ എ​ന്നി​വ​ർ​ക്ക് പ​രി​ക്കേ​റ്റു. കാ​റി​ൽ യാ​ത്ര​ചെ​യ്ത​വ​രെ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും അ​രു​ണി​നെ താ​മ​ര​ശ്ശേ​രി താ​ലൂ​ക്ക് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. കാ​ർ യാ​ത്ര​ക്കാ​ർ കോ​ഴി​ക്കോ​ടു​നി​ന്ന് വ​യ​നാ​ട്ടി​ലേ​ക്ക് പോ​കു​മ്പോ​ഴാ​ണ് അ​പ​ക​ടം. വ​ട്ട​ക്കു​ണ്ട് പാ​ല​ത്തി​ൽ അ​ടു​ത്തി​ടെ​യാ​യി അ​പ​ക​ട​ങ്ങ​ളേ​റെ​യാ​ണ്. പാ​ലം വീ​തി കൂ​ട്ട​ണ​മെ​ന്ന നാ​ട്ടു​കാ​രു​ടെ ആ​വ​ശ്യ​ത്തി​ന് പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. അ​ധി​കൃ​ത​രു​ടെ അ​നാ​സ്ഥ കാ​ര​ണം വ​ള​വു നി​വ​ർ​ത്താ​നു​ള്ള ന​ട​പ​ടി​ക​ൾ എ​ങ്ങു​മെ​ത്താ​ത്ത സ്ഥി​തി​യാ​ണ്.