മേപ്പാടി: ബൈക്കപകടത്തിൽ ഗുരുതര പരിക്കേറ്റ് ചികിത്സയിലിരുന്ന യുവാവ് മരിച്ചു. തിനപുരം പുന്നക്കാടൻ അബ്ദുൽ മുത്തലിബ് മുസ്ലിയാർ ആണ് (48) മരിച്ചത്. കഴിഞ്ഞ ദിവസം ചുണ്ടേലിന് സമീപം ഇദ്ദേഹം യാത്രചെയ്തിരുന്ന ബൈക്ക് മറ്റൊരു സ്കൂട്ടറുമായി കൂട്ടിയിടിച്ച് ഗുരുതര പരിക്കേറ്റ് മേപ്പാടിയിലെ സ്വകാര്യ മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. തിങ്കളാഴ്ച രാവിലെയാണ് മരിച്ചത്. എസ്.വൈ.എസ് മൂപ്പൈനാട് സർക്കിൾ മുൻ പ്രസിഡൻറും സോൺ പ്രവർത്തക സമിതി അംഗവുമായിരുന്നു. പിതാവ്: ബാപ്പു. മാതാവ്: പാത്തുമ്മ. ഭാര്യ: ഉമൈബ. മക്കൾ: മുബഷിറ, ഉനൈസ് (എസ്.എസ്.എഫ് മൂപ്പൈനാട് സെക്ടർ സെക്രട്ടറി), അനസ്. മരുമകൻ: ശാഫി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.