കോഴിക്കോട്: പാളം മുറിച്ചുകടക്കുന്നതിനിടെ യുവാവ് ട്രെയിൻ തട്ടി മരിച്ചു. വെള്ളയിൽ പുതിയകടവ് സ്വദേശി സബ്രീന മൻസിലിൽ സക്കീർ ഹുസൈെൻറ മകൻ സർഫാസ് (22) ആണ് മരിച്ചത്. ആറാം ഗേറ്റിന് സമീപം കാരാട് സ്കൂളിനടുത്ത് ബുധനാഴ്ച രാത്രിയാണ് അപകടം. ഒരാളെ ട്രെയിൻ തട്ടിയതായി ലോകോ പൈലറ്റ് അറിയിച്ചതിനെത്തുടർന്ന് തെരച്ചിൽ നടത്തിയെങ്കിലും കണ്ടെത്താനായിരുന്നില്ല. വെള്ളിയാഴ്ച രാവിലെ സമീപത്തെ വീട്ടുകാരാണ് ട്രാക്കിനടുത്തുള്ള കുറ്റിക്കാട്ടിൽ മൃതദേഹം കണ്ടത്. നടക്കാവ് പൊലീസ് സ്ഥലത്തെത്തി ഇൻക്വസ്റ്റ് നടത്തി മൃതദേഹം പോസ്റ്റുമോർട്ടത്തിനായി മോർച്ചറിയിലേക്ക് മാറ്റി. മാതാവ്: മുംതാസ്. സഹോദരങ്ങൾ: അമീൻ, സബ്രീന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.