ദോഹ: നാദാപുരം സ്വദേശി ഖത്തറിൽ വാഹനാപകടത്തിൽ മരിച്ചു. നാദാപുരം നരിപ്പറ്റ കൊയ്യാൽ ചെരിഞ്ഞ പറമ്പത്ത് മുഹമ്മദ് അമീറാണ് (23) ദോഹ ഉംസലാൽ ഹൈവേയിലുണ്ടായ വാഹനാപകടത്തിൽ മരിച്ചത്. ദോഹ ടോപ് ടവർ ട്രേഡിങ് കമ്പനി ജീവനക്കാരനായിരുന്നു. ഖത്തർ ഹാൻഡ്ബാൾ അസോസിയേഷനിൽ ജോലി ചെയ്തിരുന്ന സി.പി. അബ്ദുല്ലയുടെ മകനാണ്. മാതാവ്: നസീമ. തിനൂർ മോന്തോമ്മൽ പൂവള്ളപറമ്പത്ത് അന്ത്രുവിെൻറ മകൾ അർഷിനയാണ് ഭാര്യ. അസ്മിൽ , ഹസ്നത്ത് (ഇരുവരും ഖത്തർ) എന്നിവർ സഹോദരങ്ങളാണ്. ചൊവ്വാഴ്ച രാത്രിയോടെ അൽഖോറിൽനിന്നുള്ള യാത്രാ മധ്യേ അമീർ ഓടിച്ച വാഹനം നിയന്ത്രണംവിട്ട് നിർത്തിയിട്ട മറ്റൊരു വാഹനത്തിനു പിറകിൽ ഇടിക്കുകയായിരുന്നു. ഉടൻ ആശുപത്രിയിലെത്തിച്ചെങ്കിലും മരിച്ചു. ബുധനാഴ്ച രാത്രിയോടെ നാട്ടിലെത്തിച്ച മൃതദേഹം വ്യാഴാഴ്ച ഖബറടക്കം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.