കൊയിലാണ്ടി: ബംഗളൂരു വൈറ്റ് ഫീൽഡിൽ ഉണ്ടായ വാഹനാപകടത്തിൽ കൊയിലാണ്ടി സ്വദേശിയായ വിദ്യാർഥി മരിച്ചു. ബീച്ച് റോഡ് മര്കുറി ഹൗസില് സയ്യിദ് റഷീദ് മുനഫറിൻെറയും ഹൗലത്ത് ബീവിയുടെയും മകൻ സയ്യിദ് മബ്നാന് മുനഫർ ആണ് (16) മരിച്ചത്. സ്കൂട്ടറിൽ സഞ്ചരിക്കുമ്പോൾ ബി.എം.ടി.സി ബസ് ഇടിച്ചാണ് അപകടം. ലിംഗരാജപുരം ജ്യോതി ഹൈസ്കൂൾ 10ാം ക്ലാസ് വിദ്യാർഥിയാണ്. ബംഗളൂരുവിൽ താമസമായിരുന്ന കുടുംബം മകൻെറ പരീക്ഷ കഴിഞ്ഞതിനാൽ നാട്ടിൽ പോകാനിരിക്കെയാണ് അപകടം. ഒരുക്കം നടത്തി സുഹൃത്തുക്കൾക്കൊപ്പം പുറത്തേക്കു പോയതായിരുന്നു. കൂടെയുള്ള രണ്ടുപേർക്ക് പരിക്കേറ്റു. ഇവരെ നിംഹാൻസിൽ പ്രവേശിപ്പിച്ചു. ഞായറാഴ്ചയാണ് അപകടം. സഹോദരങ്ങൾ: മുആദ് മുനഫര്, ഹന്നത്ത് ബീവി, ഖദീജ ഹന്നത്ത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.