മരിച്ചത് ചങ്ങനാശ്ശേരി കോട്ടമുറി സ്വദേശി
മാനന്തവാടി: റോഡ് നിർമാണ പ്രവൃത്തികൾക്കിടെ ടിപ്പറുകൾക്കിടയിൽപ്പെട്ട് ഡ്രൈവർക്ക് ദാരുണ്യാന്ത്യം. മാനന്തവാടി കൊയിലേരി റോഡ് നിർമാണ പ്രവൃത്തി ഏറ്റെടുത്ത ഏറനാട് കൺസ്ട്രക്ഷൻ കമ്പനി ജീവനക്കാരനായ കോട്ടയം ചങ്ങനാശ്ശേരി കോട്ടമുറി സുധാ സദനം സുരേന്ദ്രൻ (66) ആണ് മരിച്ചത്. ചൊവ്വാഴ്ച ഉച്ചക്ക് ഒന്നരയോെട മാനന്തവാടി വള്ളിയൂർക്കാവ് റോഡിലായിരുന്നു അപകടം. സുരേന്ദ്രൻ ടിപ്പറിൽനിന്ന് വെള്ളം നനക്കുന്നതിനിടെ വാഹനം അബദ്ധത്തിൽ പുറകോട്ടുവന്ന് നിർത്തിയ മറ്റൊരു ടിപ്പറിൽ ഇടിക്കുകയായിരുന്നു. മൃതദേഹം മാനന്തവാടി മെഡിക്കൽ കോളജ് ആശുപത്രിയിൽ. ബുധനാഴ്ച പോസ്റ്റുമോർട്ടത്തിനുശേഷം ബന്ധുക്കൾക്ക് വിട്ടുനൽകും. ഭാര്യ: ശ്രീലത. മകൻ: നിബീഷ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.