ഫറോക്ക്: ഓടുന്ന ബൈക്കിന് പിന്നിൽ ചരക്ക് ലോറി ഇടിച്ച് യുവാവ് മരിച്ചു. ഫാറൂഖ് കോളജിന് സമീപം ചുള്ളിപ്പറമ്പ് കുളങ്ങര കൊടക്കാട്ട് കുറ്റിക്കാട്ടില് പുല്ലറാട്ടിൽ വീട്ടില് പരേതനായ ബീരാൻ കോയയുടെ മകൻ ഷാജഹാന് (42) ആണ് മരിച്ചത്. വുഡ് ഫര്ണിച്ചര് പോളിഷ് ജോലിക്കാരനാണ്. അറപ്പുഴ പാലത്തിന് സമീപം പന്തീരാങ്കാവ് ബൈപാസില് ബുധനാഴ്ച രാവിലെ 11.30 ഓടെയാണ് അപകടം. തമിഴ്നാട് രജിസ്ട്രേഷനിലുള്ള ചരക്ക് ലോറിയാണ് ഇടിച്ചത്. മാതാവ്: ആയിശക്കുട്ടി. ഭാര്യ: റൈഹാനത്ത്. മക്കൾ: ഫസലുറഹ്മാന്, ഫാത്തിമ ഫിദ, ഫാത്തിമ ഷെറിന്. മരുമകന്: ഷഫീഖ് (മൊബൈല് ടെക്നീഷ്യന്). സഹോദരങ്ങള്: അഷ്റഫ്, ഷൗക്കത്തലി, ഖമറുന്നിസ, ഫാത്തിമ, സുഹറ. മൃതദേഹം കോഴിക്കോട് മെഡിക്കൽ കോളജ് മോര്ച്ചറിയില്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.