എരുമപ്പെട്ടി (തൃശൂർ): പ്രഭാതസവാരിക്ക് പോയ ഗൃഹനാഥൻ കിണറ്റിൽ വീണ് മരിച്ച നിലയിൽ കണ്ടെത്തി. വെള്ളറക്കാട് വെള്ളത്തേരി താണിക്കൽ വീട്ടിൽ പരേതനായ കൊച്ചുണ്ണിയുടെ മകൻ രാജനാണ് (43) മരിച്ചത്. വീടിന് പിറകിലുള്ള ഒഴിഞ്ഞ പറമ്പിലെ ഉപയോഗശൂന്യമായ ആൾമറയില്ലാത്ത കിണറ്റിലാണ് മൃതദേഹം കണ്ടെത്തിയത്. ,
ചൊവ്വാഴ്ച രാവിലെ ആറരയോടെ വളർത്തുനായയുമായി പ്രഭാത സവാരിക്ക് പോയ രാജൻ എട്ടു മണിയായിട്ടും തിരിച്ചെത്താതിരുന്നതിനെ തുടർന്നുള്ള തെരച്ചിലിൽ വളർത്തുനായയെയും രാജൻ്റെ ചെരിപ്പും കിണറ്റിൽ കണ്ടെത്തിയത്. തുടർന്ന് കുന്നംകുളം അഗ്നി രക്ഷാ സേനയും എരുമപ്പെട്ടി പോലീസും ചേർന്ന് മൃതദേഹം പുറത്തെടുത്ത് പോസ്റ്റുമാർട്ടത്തിനായി മുളം കുന്നത്തുകാവ് മെഡിക്കൽ കോളേജ് ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.