തിരുവനന്തപുരം: 2013ലെ സംസ്ഥാന സ്കൂൾ കായികമേളയിൽ മികച്ച വാ൪ത്താചിത്രത്തിനുള്ള അവാ൪ഡ് ‘മാധ്യമം’ ഫോട്ടോ എഡിറ്റ൪ റസാഖ് താഴത്തങ്ങാടിക്ക്. പൊതുവിദ്യാഭ്യാസ ഡയറക്ട൪ (ഇൻചാ൪ജ്) എൽ. രാജനാണ് വാ൪ത്താസമ്മേളനത്തിൽ അവാ൪ഡ് പ്രഖ്യാപിച്ചത്. മികച്ച കായിക മേള റിപ്പോ൪ട്ട൪ക്കുള്ള അവാ൪ഡ് ആ൪. രഞ്ജിത്ത് (ദേശാഭിമാനി) നേടി.
അച്ചടിമാധ്യമങ്ങളിൽ സമഗ്ര കവറേജിനുള്ള പുരസ്കാരം മലയാള മനോരമക്കും ദൃശ്യമാധ്യമങ്ങളിൽ ഏഷ്യാനെറ്റിനും ലഭിച്ചു. ടി.വി റിപ്പോ൪ട്ട൪ ജോബി ജോ൪ജ് (ഏഷ്യാനെറ്റ്), കാമറാമാൻ മഹേഷ് പാലൂ൪ (ജയ്ഹിന്ദ് ന്യൂസ്) എന്നിവ൪ക്കാണ് മറ്റ് പുരസ്കാരങ്ങൾ. റാഞ്ചിയിൽ നടന്ന 59ാമത് ദേശീയ സ്കൂൾ അത്ലറ്റിക്സ് ചാമ്പ്യൻഷിപ്പിലെ മികച്ച പത്ര റിപ്പോ൪ട്ടിങ്ങിന് തോമസ് വ൪ഗീസ് (ദീപിക), ആ൪. ഗിരീഷ്കുമാ൪ (മാതൃഭൂമി) എന്നിവ൪ക്കും ടി.വി റിപ്പോ൪ട്ടിങ്ങിന് ജോയ് നായ൪ (ജയ്ഹിന്ദ്) ക്കും അവാ൪ഡ് ലഭിച്ചു. സ൪ട്ടിഫിക്കറ്റും ഫലകവും അടങ്ങുന്നതാണ് അവാ൪ഡ്.
റസാഖ് താഴത്തങ്ങാടിക്ക് 2011സംസ്ഥാന സ്കൂൾ കായികമേളയുടെ പ്രത്യേക പുരസ്കാരം ലഭിച്ചിരുന്നു. കോട്ടയം താഴത്തങ്ങാടി പുത്തൻപറമ്പിൽ പരേതനായ മുനിസിപ്പൽ കൗൺസില൪ എം.എസ്. അബ്ദുൽ ഖാദറിൻെറയും ഐഷാബീവിയുടെയും മകനാണ്. സംസ്ഥാന മാധ്യമ അവാ൪ഡ് (2003, 2008), സംസ്ഥാന ഡിസാസ്റ്റ൪ മാനേജ്മെൻറ് അവാ൪ഡ്, പരിസ്ഥിതി ഫോട്ടോഗ്രഫി അവാ൪ഡ്, ടൂറിസം ഫോട്ടോഗ്രഫി അവാ൪ഡ്, ഫാം ജേണലിസം ഫോട്ടോ അവാ൪ഡ്, സതേൺ നേവൽ കമാൻഡ് പ്രസ് ഫോട്ടോ അവാ൪ഡ്, സംസ്ഥാന സ്കൂൾ കലോത്സവ ഫോട്ടോ അവാ൪ഡ് തുടങ്ങിയവ ലഭിച്ചിട്ടുണ്ട്. ഭാര്യ: മുംതാസ് (ദേശാഭിമാനി, കോട്ടയം). ദിൽശാന, ആഷിഖ്, മെഹ്റിൻ എന്നിവ൪ മക്കളാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.