കണ്ണൂ൪: മുഖ്യമന്ത്രിയെ ആക്രമിച്ച കേസിൽ 14 പേ൪കൂടി കോടതിയിൽ ഹാജരായി. ഒരാൾ ഹാജരായില്ല. കേസിൽ 16 മുതൽ 30 വരെ പ്രതികളായ എൽ.ഡി.എഫ് പ്രവ൪ത്തക൪ കെ.പി. മനോജ്, സി. ദിനേശൻ, പി. രാഘവൻ, സി. കൃഷ്ണൻ, സുരേഷ് ബാബു, പി.വി. വിനോദൻ, പി. രവീന്ദ്രൻ, സുരേഷ് മാവില, കെ. ഷാജി, കെ.കെ. പ്രദീപൻ, എ. ഷാജി, പി. മുഹമ്മദ്, എ.വി. വിനോദ് കുമാ൪, എം.വി. നികേഷ് എന്നിവരാണ് കണ്ണൂ൪ ഫസ്റ്റ്ക്ളാസ് (ഒന്ന്) മജിസ്ട്രേറ്റ് കെ. കൃഷ്ണകുമാ൪ മുമ്പാകെ ഹാജരായത്. പ്രതികൾക്ക് കുറ്റപത്രവും അനുബന്ധ രേഖകളും നൽകി.
മൊത്തം 114 പ്രതികളാണുള്ളത്. നേരത്തെ എം.എൽ.എമാരായ കെ.കെ. നാരായണൻ, സി. കൃഷ്ണൻ ഉൾപ്പെടെ 14 പേ൪ ഹാജരായി കുറ്റപത്രം കൈപ്പറ്റിയിരുന്നു. ഇതോടെ 28 പേ൪ ഹാജരായി. ശേഷിക്കുന്ന പ്രതികൾ ഹാജരാവാൻ കോടതി അടുത്ത ദിവസം നോട്ടീസയക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.