പുന്നയൂ൪ക്കുളം: 30 ഓളം മദ്റസ വിദ്യാ൪ഥികളെ ലൈംഗികമായി പീഡിപ്പിച്ചയാൾ അറസ്റ്റിൽ. തെക്കേ പുന്നയൂ൪ വരിക്കപ്പുള്ളി കോളനി കണ്ടാണത്ത് ഷംസുദ്ദീനാണ് (47) അറസ്റ്റിലായത്. തൃശൂ൪ ഗവ. ചൈൽഡ് വെൽഫെയ൪ കമ്മിറ്റി ചെയ൪മാൻ പി.ഒ. ജോ൪ജിൻെറ പരാതിപ്രകാരം വടക്കേക്കാട് എസ്.ഐ സജിൻ ശശിയും സംഘവുമാണ് ഇയാളെ അറസ്റ്റ് ചെയ്തത്.
എട്ട് മുതൽ 15 വയസ്സുവരെ പ്രായമുള്ള മദ്റസ വിദ്യാ൪ഥികളെയാണ് ഷംസുദ്ദീൻ ലൈംഗികമായി ദുരുപയോഗം ചെയ്തത്.ഇയാളുടെ വീടിന് സമീപത്താണ് മദ്റസ. കുട്ടികളെ ആക൪ഷിക്കാൻ മിഠായിയും സമ്മാനപ്പൊതികളും നൽകുമായിരുന്നുവെന്ന് പരാതിയിൽ പറയുന്നു. മൂന്ന് വിദ്യാ൪ഥികൾ സംഭവം വീട്ടിൽ പറഞ്ഞതിനെ തുട൪ന്ന് രക്ഷിതാക്കൾ ചൈൽഡ് വെൽഫെയ൪ കമ്മിറ്റിയെ സമീപിക്കുകയായിരുന്നു. തുട൪ന്ന് മൂന്ന് വിദ്യാ൪ഥികളെയും കൗൺസലിങ്ങിന് വിധേയമാക്കിയതിൻെറ അടിസ്ഥാനത്തിലാണ് പൊലീസിൽ പരാതി നൽകിയതും തുട൪ന്ന് ഷംസുദ്ദീനെ അറസ്റ്റ് ചെയ്തതും.സ്പെഷൽ ബ്രാഞ്ചിലെ മുഹമ്മദ് റാഫി, സി.പി.ഒമാരായ ദിനേശൻ, പ്രതാപൻ, കെ.എ.പിയിലെ നൗഫൽ, ശ്രീദീപ് എന്നിവരാണ് സംഘത്തിലുണ്ടായിരുന്നത്. പ്രതിയെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.