ആലപ്പുഴ: ജില്ലയിലെ സ്കൂൾ വിദ്യാർഥികൾക്കായി ‘മാധ്യമം’ സംഘടിപ്പിക്കുന്ന ‘ലിറ്റിൽ ആർട്ടിസ്റ്റ്’ ചിത്രരചന മത്സരം 17ന് കളർകോട് റിലയൻസ് മാളിൽ നടക്കും. അഞ്ച് വിഭാഗങ്ങളിലായാണ് മത്സരം. പേൾ: കെ.ജി വിഭാഗം (കളറിങ് വിത്ത് ക്രയോൺസ്), ബട്ടർഫ്ലൈ: ഒന്ന്, രണ്ട് ക്ലാസുകൾ (കളറിങ് വിത്ത് ക്രയോൺസ്), റെയിൻബോ: മൂന്ന്, നാല് ക്ലാസുകൾ (ചിത്രരചന -കളറിങ് വിത്ത് ക്രയോൺസ്), പീകോക്ക്: യു.പി വിഭാഗം (ചിത്രരചന -വാട്ടർ കളർ), പിക്കാസോ: ഹൈസ്കൂൾ വിഭാഗം (ചിത്രരചന -വാട്ടർ കളർ) എന്നിങ്ങനെയാണ് മത്സരം. 90 മിനിറ്റായിരിക്കും മത്സരസമയം.
വരക്കുന്നതിനുള്ള ആർട്ട് പേപ്പർ വേദിയിൽ നൽകും. മറ്റ് വസ്തുക്കൾ മത്സരാർഥികൾ കൊണ്ടുവരണം. ഓരോ വിഭാഗത്തിലും ഒന്നാംസ്ഥാനം നേടുന്നവർക്ക് 3000 രൂപയും ട്രോഫിയും രണ്ടാംസമ്മാനം 2000 രൂപയും ട്രോഫിയും മൂന്നാം സമ്മാനം 1000 രൂപയും ട്രോഫിയും നൽകും. കൂടാതെ മത്സരിക്കുന്ന മുഴുവൻ വിദ്യാർഥികൾക്കും സർട്ടിഫിക്കറ്റും നൽകും. ഗൂഗിൾ ഫോം, ക്യൂ.ആർ കോഡ് എന്നിവ മുഖേനയായിരിക്കും രജിസ്ട്രേഷൻ. സ്പോട്ട് രജിസ്ട്രേഷൻ ഉണ്ടായിരിക്കുന്നതല്ല. 50 രൂപയാണ് രജിസ്ട്രേഷൻ ഫീസ്.
രജിസ്ട്രേഷനുള്ള അവസാന തീയതി ജനുവരി 14. മത്സരദിവസം ഉച്ചക്ക് 1.30നുമുമ്പ് മത്സരാർഥികൾ വേദിയിൽ റിപ്പോർട്ട് ചെയ്യണം. ഫലപ്രഖ്യാപനവും സമ്മാനദാനവും വൈകീട്ട് അഞ്ചിന് നടക്കും. മത്സരാർഥികൾക്ക് ലഘുഭക്ഷണം നൽകും. കുട്ടികൾക്കും രക്ഷാകർത്താക്കൾക്കുമായി ബോധവത്കരണ പരിപാടികൾ, വിനോദപരിപാടികൾ, തത്സമയ സമ്മാനങ്ങൾ എന്നിവയും ഉണ്ടാകും. വിവരങ്ങൾക്ക്: 98954 92775 എന്ന നമ്പറിൽ ബന്ധപ്പെടണമെന്ന് പരിപാടിയുടെ ജനറൽ കൺവീനറും മാധ്യമം റെസിഡന്റ് എഡിറ്ററുമായ എം.കെ.എം. ജാഫർ അറിയിച്ചു. പാദരക്ഷ കമ്പനിയായ ലൂണാർ, ഫെഡറൽ ബാങ്ക്, റിലയൻസ് മാൾ, റിലയൻസ് സ്മാർട്ട് ബസാർ, സ്കിൻ ആൻഡ് കളേഴ്സ്, ഓർബിസ് ക്രിയേറ്റിവ്സ് എന്നിവരാണ് പരിപാടിയുടെ പ്രായോജകർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.