തൃശൂര്: സംസ്ഥാന സബ് ജൂനിയര് വടംവലി മത്സരത്തില് ആണ്കുട്ടികളുടെ വിഭാഗത്തില് കാസര്കോടും പെണ്കുട്ടികളില് ഇടുക്കിയും വിജയികളായി. തൃശൂരിലെ അക്വാട്ടിക് കോംപ്ളക്സ് ഗ്രൗണ്ടില് നടന്ന ആവേശകരമായ മത്സരത്തില് ഇടുക്കിയെ തോല്പിച്ചാണ് കാസര്കോട് വിജയിച്ചത്. പെണ്കുട്ടികളുടെ മത്സരത്തില് കോഴിക്കോടിനെ വലിച്ചിട്ടാണ് ഇടുക്കിയുടെ വിജയം.
ആണ്കുട്ടികളുടെ വിഭാഗത്തില് ഇടുക്കിയും എറണാകുളവുമാണ് യഥാക്രമം രണ്ടും മൂന്നും സ്ഥാനം നേടിയത്. പെണ്കുട്ടികളുടെ വിഭാഗത്തില് കോഴിക്കോടും കണ്ണൂരും രണ്ടും മൂന്നും സ്ഥാനം കരസ്ഥമാക്കി. 14 ജില്ലകളില്നിന്ന് 600ലധികം മത്സരാര്ഥികള് പങ്കെടുത്തു. ഒക്ടോബറില് നടക്കുന്ന ദേശീയ മത്സരങ്ങളില് ഇതിലെ വിജയികള് പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.