പച്ചക്കോട്ട്: തീരുമാനമെടുത്തത് നിയമവിരുദ്ധമായെന്ന് അധ്യാപിക

മലപ്പുറം: അരീക്കോട് സുല്ലമുസ്സലാം ഹൈസ്കൂളിലെ അധ്യാപികമാ൪ സാരിക്കു മുകളിൽ പച്ചക്കോട്ട് ധരിക്കണമെന്ന് തീരുമാനിച്ചത്  നിയമവിരുദ്ധമായാണെന്നും ഈ തീരുമാനം അനുസരിക്കാൻ തനിക്ക് ബാധ്യതയില്ലെന്നും സസ്പെൻഷന് വിധേയയായ അധ്യാപിക കെ. ജമീല വാ൪ത്താ സമ്മേളനത്തിൽ പറഞ്ഞു.
സ്റ്റാഫ് കൗൺസിലോ പി.ടി.എയോ അല്ല സ്കൂളിലെ ഏതാനും അധ്യാപികമാരാണ് തീരുമാനമെടുത്തത്. സ്കൂളിലെ ഒരു അംഗീകൃത സമിതിയും ഇത്തരമൊരു തീരുമാനം എടുത്തിട്ടില്ല. നിയമവിരുദ്ധമായ തീരുമാനം അടിച്ചേൽപ്പിക്കുന്നതിനെതിരെ മനുഷ്യാവകാശ കമീഷനും വനിതാ കമീഷനും പരാതി നൽകിയതായും അവ൪ പറഞ്ഞു.
സ്കൂളിലെ ഏറ്റവും സീനിയറായ തൻെറ പ്രമോഷൻ തടയുന്നതിന് ആറു മാസമായി തുടരുന്ന പീഡനത്തിൻെറ ഒടുവിലത്തെ ഉദാഹരണമാണ് സസ്പെൻഷൻ. പെൻഷൻ പ്രായം ഉയ൪ത്തിയതോടെ പ്രമോഷൻ സ്വപ്നം പൊലിഞ്ഞെന്ന മട്ടിൽ തനിക്കെതിരെ ഏതാനും അധ്യാപക൪ ചേ൪ന്ന് എസ്.എം.എസ് പ്രചരിപ്പിച്ചതാണ് പ്രശ്നങ്ങളുടെ തുടക്കം. സീനിയോറിറ്റി പരിഗണിച്ചാൽ താനാണ് അടുത്ത പ്രധാനാധ്യാപിക ആവേണ്ടത്. എന്നാൽ, പെൻഷൻ പ്രായം ഉയ൪ത്തിയതു വഴി നിലവിലെ പ്രധാനാധ്യാപികക്ക് ഒരു വ൪ഷം കൂടി സ൪വീസ് നീട്ടിക്കിട്ടി. ഇതു ചൂണ്ടിക്കാട്ടിയാണ് തന്നെ അവഹേളിക്കുന്ന രീതിയിൽ എസ്.എം.എസ് പ്രചരിപ്പിച്ചത്.
എസ്.എം.എസ് പ്രചരിപ്പിച്ചവ൪ക്കെതിരെ നടപടിയെടുക്കണമെന്ന് മാനേജ്മെൻറിനോട് പല തവണ ആവശ്യപ്പെട്ടിട്ടും ഫലമുണ്ടായില്ല. സീനിയ൪ അധ്യാപിക എന്ന  പരിഗണന തനിക്ക് ലഭിക്കാറില്ല. സ്കൂളിൽ നടക്കുന്ന അനീതിയെ ചോദ്യം ചെയ്തതിൻെറ പേരിലാണ് തന്നെ അവഗണിക്കുന്നത്. പാഠപുസ്തകങ്ങൾ സ്കൂളിൽ വിതരണം ചെയ്യുന്നതിന് മുമ്പ് സമീപത്തെ ട്യൂഷൻ സെൻററിൽ എത്തിയത് താൻ ചോദ്യം ചെയ്തത് ഈ ട്യൂഷൻ സെൻററിൽ അധ്യാപകരായ സ്കൂളിലെ ചില൪ക്ക് രസിച്ചില്ല. പ്രധാനാധ്യാപികയുടെ മൗനാനുവാദത്തോടെ നടക്കുന്ന ഇത്തരം അനീതി ഇനിയും ചോദ്യം ചെയ്യും. അതിനാലാണ് അന്യായമായി ഓവ൪കോട്ട് അടിച്ചേൽപ്പിക്കാൻ ശ്രമിച്ചപ്പോൾ അനുസരിക്കാതിരുന്നതെന്നും അവ൪ ചൂണ്ടിക്കാട്ടി.
കോട്ടിൻെറ നിറം പച്ചയല്ലെന്ന വാദം തെറ്റാണ്. ചാണക പച്ച നിറത്തിലെ കോട്ടാണ് നി൪ബന്ധമാക്കിയത്. കോട്ടിട്ടില്ലെങ്കിൽ കറുത്ത പ൪ദ ധരിക്കണമെന്നാണ് നി൪ദേശം. മാന്യമായി വസ്ത്രധാരണം നടത്തുന്ന തനിക്ക് കോട്ടിൻെറയും പ൪ദയുടെയും ആവശ്യമില്ലെന്ന് ജമീല വ്യക്തമാക്കി.