വടകര: ചന്ദ്രശേഖരൻ വധകേസിലെ പ്രതി പി.കെ. കുഞ്ഞനന്തന് ജാമ്യാപേക്ഷ നൽകാൻ സി.പി.എം മുൻ കണ്ണൂ൪ ജില്ലാ സെക്രട്ടറിയും അഭിഭാഷകനുമായ പി. ശശിയും വടകരയിലെത്തി. ചന്ദ്രശേഖരൻ വധകേസിൽ റിമാൻഡിൽ കഴിയുന്ന സി.പി.എം പാനൂ൪ ഏരിയാ കമ്മിറ്റി അംഗം പി.കെ. കുഞ്ഞനന്തന് ജാമ്യാപേക്ഷ നൽകാനാണ് സി.പി.എം അച്ചടക്ക നടപടി സ്വീകരിച്ച മുൻ ജില്ലാ സെക്രട്ടറി പി. ശശി ശനിയാഴ്ച വടകര ജുഡീഷ്യൽ ഫസ്റ്റ് ക്ളാസ് മജിസ്ട്രേറ്റ് കോടതിയിലെത്തിയത്. കേസ് എ.പി.പിയുടെ വാദം കേട്ടശേഷം അപേക്ഷയിൽ നടപടി സ്വീകരിക്കുന്നത് കോടതി ഈ മാസം 25ലേക്ക് മാറ്റി. നേരത്തെ കുഞ്ഞനന്തൻ ഹൈകോടതിയിൽ നൽകിയ ജാമ്യാപേക്ഷ തള്ളിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.