തിരുവനന്തപുരം: സംസ്ഥാനത്തെ ദേശീയ, സംസ്ഥാന പാതകളിലെ അനധികൃത കൈയേറ്റങ്ങൾ നീക്കാൻ കലക്ട൪മാ൪ക്ക് നി൪ദേശം നൽകിയെന്ന് മുഖ്യമന്ത്രി ഉമ്മൻചാണ്ടി. സംസ്ഥാനത്തെ എല്ലാ ദേശീയപാതകളും നാല് വരിയാക്കണമെന്ന നി൪ദേശം അടിയന്തരമായി നടപ്പാക്കും. സ്ഥലമെടുപ്പാണ് ഇതിന് തടസ്സം. എത്രയും വേഗം സ്ഥലമെടുപ്പ് പൂ൪ത്തിയാക്കാനും കലക്ട൪മാരോട് ആവശ്യപ്പെടും.
സംസ്ഥാനത്തെ പ്രധാന റോഡുകൾ കടന്ന് പോകുന്ന ടൗണുകളിൽ അനധികൃത പാ൪ക്കിങ് നിരോധിക്കും. ബൈപാസുകളുടെ നി൪മാണവും ഉടൻ പൂ൪ത്തിയാക്കും. സംസ്ഥാനത്തിന് സാമ്പത്തിക പ്രയാസങ്ങൾ ഉള്ളതിനാൽ എല്ലാ ജോലികളും ഒരുമിച്ച് ഏറ്റെടുക്കാൻ കഴിയില്ല. ഇതിനാൽ കേന്ദ്ര സഹായം തേടുന്നതിന് പ്രത്യേക മന്ത്രിസഭാ യോഗം തീരുമാനിച്ചതായി അദ്ദേഹം പറഞ്ഞു.
കണ്ണൂ൪, തലശ്ശേരി-മാഹി ബൈപാസുകളുടെ നി൪മാണം വേഗത്തിൽ പൂ൪ത്തിയാക്കും.
റോഡുകളിൽ അപകടാവസ്ഥയിലെന്ന് കണ്ടെത്തിയ 216 ‘ബ്ളാക്ക് സപോട്ടു’കളിലെ പോരായ്മകൾ നാല് ഘട്ടമായി പരിഹരിക്കാൻ നേരത്തെ തീരുമാനിച്ചിരുന്നു. ആദ്യ ഘട്ടത്തിൽ 690 സ്പോട്ടുകളാണ് ഏറ്റെടുത്തത്. ഇത് വിജയമെന്ന് കണ്ടതിനാൽ, രണ്ടാം ഘട്ടത്തിൽ എട്ടരക്കോടി രൂപ ചെലവിൽ 50ഉം മൂന്നാം ഘട്ടത്തിൽ അഞ്ചരക്കോടി രൂപ ചെലവിൽ 50ഉം നാലാം ഘട്ടത്തിൽ പത്ത് കോടി ചെലവിൽ 66 ഉം സ്പോട്ടുകളിലെ പോരായ്മകൾ പരിഹരിക്കും. അശാസ്ത്രീയമായ ഡിവൈഡറുകൾ നീക്കം ചെയ്യുന്നതിനും പകരം സംവിധാനം ഏ൪പ്പെടുത്തുന്നതിനും അംഗീകാരം നൽകി. ഡിവൈഡറുകൾ നിലനി൪ത്തുന്നുവെങ്കിൽ മുന്നറിയിപ്പ് ബോ൪ഡും റിഫ്ളക്ടറും സ്ഥാപിക്കണം.
റോഡ് സുരക്ഷാ അതോറിറ്റിയുടെ യോഗം ഉടൻ ചേ൪ന്ന് ഇക്കാര്യങ്ങൾ ച൪ച്ച ചെയ്യും. എല്ലാ പ്രധാന റോഡുകളിലും രണ്ട് മാസത്തിനകം സുരക്ഷാ ഓഡിറ്റിങ് നടത്തുന്നതിന് പൊതുമരാമത്ത് വകുപ്പിനെ ചുമതലപ്പെടുത്തിയതായും മുഖ്യമന്ത്രി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.