ന്യൂദൽഹി: നി൪വീര്യമാക്കുന്നതിനുള്ള ഭീമമായ ചെലവും കമ്പനികൾക്കുണ്ടാകുന്ന കനത്ത നഷ്ടവും ഒഴിവാക്കാൻ മുഴുവൻ ശേഖരവും വിറ്റഴിക്കാവുന്ന തരത്തിൽ എത്തിയാൽ എൻഡോസൾഫാൻ നിരോധിച്ചാൽ മതിയെന്ന് കേന്ദ്ര സ൪ക്കാ൪ സുപ്രീംകോടതിയിൽ ബോധിപ്പിച്ചു. നി൪വീര്യമാക്കാനായി ചെലവിടുന്ന 1248 കോടി രൂപയും ഉൽപന്നങ്ങൾ നശിപ്പിക്കുന്നതുവഴിയുണ്ടാകുന്ന 65.90 കോടി രൂപയുടെ നഷ്ടവും ഇത് വഴി ഒഴിവാക്കാമെന്ന് കേന്ദ്രം അറിയിച്ചു. അതിനാൽ സ്റ്റോക്ഹോം കൺവെൻഷന്റെ അടിസ്ഥാനത്തിൽ ഇന്ത്യയിൽ ഘട്ടംഘട്ടമായി എൻഡോസൾഫാൻ നിരോധം നടപ്പാക്കുകയാണ് വേണ്ടതെന്നും സ൪ക്കാ൪ വ്യക്തമാക്കി.
എൻഡോസൾഫാൻ നി൪വീര്യമാക്കുന്നതിന് സ്വീകരിച്ച നടപടി വ്യക്തമാക്കി കേന്ദ്ര സ൪ക്കാ൪ കഴിഞ്ഞ മാസം സമ൪പ്പിച്ച റിപ്പോ൪ട്ടിന്റെ ചുവടുപിടിച്ചാണ് പുതിയ സത്യവാങ്മൂലം സമ൪പ്പിച്ചിരിക്കുന്നത്. സുപ്രീംകോടതി പ്രഖ്യാപിച്ച ഇടക്കാല നിരോധം അട്ടിമറിക്കുന്ന വിവാദ ശിപാ൪ശകളാണ് റിപ്പോ൪ട്ടിലെന്ന് ആക്ഷേപമുയ൪ന്നതിനിടയിലാണ് അതേ റിപ്പോ൪ട്ടിനൊത്ത് കേന്ദ്രം സത്യവാങ്മൂലവും സമ൪പ്പിച്ചത്.
ഒരു ഉൽപന്നം ഘട്ടംഘട്ടമായാണ് നിരോധിക്കേണ്ടതെന്നാണ് ലോകാരോഗ്യ സംഘടന പറയുന്നത്്. അടുത്ത അഞ്ചുവ൪ഷം കൂടി എൻഡോസൾഫാൻ ഉപയോഗിക്കാൻ സ്റ്റോക്ഹോം കൺവെൻഷൻ അനുവദിക്കുന്നുണ്ട്. കേരളവും ക൪ണാടകയുമൊഴികെയുള്ള മുഴുവൻ സംസ്ഥാനങ്ങളും എൻഡോസൾഫാൻ ഉപയോഗിക്കാൻ സന്നദ്ധമാണ്. സ്റ്റോക് ഹോം കൺവെൻഷൻ പ്രകാരം നിരോധിക്കാൻ പുതുതായി അംസംസ്കൃത എൻഡോസൾഫാൻ ഇറക്കുമതി ചെയ്യേണ്ടതില്ലെന്നും നിലവിലുള്ള ശേഖരം ഉപയോഗിച്ച് എൻഡോസൾഫാൻ ഉൽപാദിപ്പിക്കാനും ഉൽപാദിപ്പിക്കുന്ന എൻഡോസൾഫാൻ കയറ്റുമതി ചെയ്യാനും അനുവദിക്കണമെന്നുമാണ് വിദഗ്ധ സമിതിയുംനി൪ദേശിച്ചിരിക്കുന്നത്.
സ്റ്റോക്ഹോം കൺവെൻഷൻ പ്രകാരം എൻഡോസൾഫാൻ ഘട്ടം ഘട്ടമായി നിരോധിച്ചാൽ മതിയെന്നാണ് കേന്ദ്ര വനം പരിസ്ഥിതി മന്ത്രാലയം പറഞ്ഞിരിക്കുന്നത്. നിലവിലുള്ള സ്റ്റോക്കിന്റെ കാലാവധി 2013 മേയ് മാസം അവസാനിക്കുന്നതിനാൽ അവ കൃഷിക്കുപയോഗിക്കാൻ അനുവദിക്കണം. പുതുതായി ഇറക്കുമതി ചെയ്യുന്നത് നി൪ത്തലാക്കണം. അതേസമയം, ഇപ്പോഴുള്ള മുഴുവൻ അസംസ്കൃത എൻഡോസൾഫാനും ലായനിയാക്കി മാറ്റാനും ഇവ കൂടി ആഭ്യന്തര വിപണിയിൽ വിറ്റഴിക്കാനും സമ്മതിക്കണം. അതേസമയം, കാലാവധി കഴിഞ്ഞ ഉൽപന്നം നി൪വീര്യമാക്കണമെന്നും കേന്ദ്രം കൂട്ടിച്ചേ൪ത്തു.
എൻഡോസൾഫാൻ കയറ്റുമതി ചെയ്യാൻ അനുമതി നൽകിയാൽ മതിയെന്നായിരുന്നു നേരത്തെ ഉൽപാദക൪ സുപ്രീംകോടതിയിൽ സ്വീകരിച്ചിരുന്ന നിലപാട്. ഇന്ത്യക്കകത്ത് വിറ്റഴിച്ചില്ലെങ്കിലും തങ്ങളുടെ കൈവശമുള്ള സ്റ്റോക്ക് വിറ്റഴിക്കാൻ ഇതുവഴി സാധിക്കുമെന്നും അവ൪ കോടതിയെ ബോധിപ്പിച്ചിരുന്നു. എന്നാൽ, ജനീവ കൺവെൻഷനിലുയ൪ന്ന എതി൪പ്പിനു ശേഷം ഉൽപാദക൪ പ്രതീക്ഷിച്ച പോലെ അന്ത൪ദേശീയ വിപണിയിൽ ആവശ്യക്കാരില്ലാതെ വന്നു. ഇതേ തുട൪ന്നാണ് ഉൽപാദകരുടെ താൽപര്യം സംരക്ഷിക്കാൻ ആഭ്യന്തര വിപണനം ഔദ്യോഗിക ശിപാ൪ശയായി സ൪ക്കാ൪ റിപ്പോ൪ട്ടിൽ ചേ൪ത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.