കോഴിക്കോട്: സംസ്ഥാനത്ത് നിരോധിച്ച പുകയില ഉൽപന്നങ്ങളുടെ വൻശേഖരം കോഴിക്കോട് റെയിൽവേ പൊലീസിൻെറ നേതൃത്വത്തിൽ പിടികൂടി.
വെള്ളിയാഴ്ച രാവിലെ ബംഗളൂരുവിൽനിന്നെത്തിയ യശ്വന്ത്പൂ൪-മംഗലാപുരം ട്രെയിനിലെ ലഗേജ് ബോഗിയിൽനിന്നാണ് ആറ് വലിയ ഹാ൪ഡ്ബോ൪ഡ് പെട്ടികളിലാക്കി കോഴിക്കോട്ടേക്ക് അയച്ച നിരോധിത ഉൽപന്നങ്ങൾ റെയിൽവേ സി.ഐ എ.കെ. ബാബുവിൻെറ നേതൃത്വത്തിൽ പിടികൂടിയത്. ഹൻസ്, മധു തുടങ്ങിയ പേരിലുള്ളവയാണ് പുകയില ഉൽപന്ന പാക്കറ്റുകൾ. ഇവ ബുക് ചെയ്തയാളുടെ വിലാസത്തിൽ പൊലീസ് അന്വേഷണമാരംഭിച്ചു. കോഴിക്കോട്ടെ മൊത്ത വ്യാപാരിയായ ഇയാളെ ഉടൻ പിടികൂടുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.