കൊണ്ടോട്ടി: പേര് വെട്ടിമാറ്റിയ ടിക്കറ്റുമായി യുവാവ് കരിപ്പൂ൪ വിമാനത്താവളത്തിൽ പിടിയിലായ കേസിന്റെ അന്വേഷണം ക്രൈം ഡിറ്റാച്ച്മെന്റ് സംഘത്തിന് കൈമാറി. ഡിവൈ.എസ്.പി രാധാകൃഷ്ണപിള്ളയുടെ നേതൃത്വത്തിലുള്ള സംഘമാണ് അന്വേഷിക്കുന്നത്. കരിപ്പൂരിലെ മനുഷ്യക്കടത്ത് കേസും അദ്ദേഹത്തിന്റെ നേതൃത്വത്തിലാണ് പുരോഗമിക്കുന്നത്.
ബന്ധുവിനെ കുവൈത്തിലേക്ക് യാത്രയയക്കാനെത്തിയ യുവാവാണ് പിടിയിലായത്. ബന്ധുവിന്റെ യാത്രാടിക്കറ്റിന്റെ പ്രിന്റിൽ പേര് തിരുത്തുകയായിരുന്നു. യുവാവിന്റെ ലക്ഷ്യം എന്തായിരുന്നുവെന്നും നേരത്തെ ഇത്തരം സംഭവങ്ങൾ ഉണ്ടായിട്ടുണ്ടോ എന്നും അന്വേഷിക്കുന്നുണ്ട്. കേസിൽ കൂടുതൽ പേ൪ ഉൾപ്പെടാനുള്ള സാധ്യത ഇല്ലെന്നാണ് പ്രാഥമിക നിഗമനം. അതിനിടെ, മനുഷ്യക്കടത്ത് കേസ് വഴിത്തിരിവിലെത്തി. കേസിൽ പിടിയിലായവരിൽനിന്ന് നി൪ണായക സൂചനകൾ അന്വേഷണ സംഘത്തിന് ലഭിച്ചിട്ടുണ്ട്. അടുത്ത ദിവസങ്ങളിൽ കൂടുതൽ അറസ്റ്റ് ഉണ്ടായേക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.