മുംബൈ: കാ൪ഗിൽ യോദ്ധാക്കളുടെ പേരിൽ നി൪മിച്ച ആദ൪ശ് ഹൗസിങ്ങ് സൊസൈറ്റിയിൽ കോൺഗ്രസ് നേതാവും സൊസൈറ്റിയുടെ പ്രമോട്ടറുമായ കനയ്യലാൽ കിദ്വായിക്ക് ബിനാമികൾ വഴി രണ്ട് ഫ്ളാറ്റുണ്ടെന്ന് സി.ബി.ഐ. കിദ്വായിയുടെ കസ്റ്റഡി നീട്ടാനാവശ്യപ്പെട്ട് സി.ബി.ഐ പ്രത്യേക കോടതിയിൽ നൽകിയ അപേക്ഷയിലാണ് ബിനാമികൾ വഴി ഫ്ളാറ്റുകൾ സ്വന്തമാക്കിയതായി ആരോപിച്ചത്.
കിദ്വായിയുടെയും മകൻെറയും പേരിൽ രണ്ട് ഫ്ളാറ്റ് സൊസൈറ്റിയിലുണ്ട്. ഇതിന് പുറമെയാണ് ബിനാമികൾ വഴിയും സ്വന്തമാക്കിയത്. സാങ്ക്ളിയിലെ ജനതാ സഹകാരി ബാങ്ക് വഴിയാണ് ബിനാമി ഫ്ളാറ്റുകൾക്ക് പണം നൽകിയതെന്ന് സി.ബി.ഐ കോടതിയിൽ പറഞ്ഞു.
വ്യാഴാഴ്ചയാണ് ക്വിദായിയെ സി.ബി.ഐ അറസ്റ്റ് ചെയ്തത്. ക്വിദായിയുടെ സി.ബി.ഐ കസ്റ്റഡി ഒരു ദിവസത്തേക്ക് നീട്ടി.
രണ്ട് എൻ.സി.പി നേതാക്കൾക്കും ബിനാമികൾ വഴി രണ്ടും മൂന്നും ഫ്ളാറ്റുകളുള്ളതായി സി.ബി.ഐ ബോംബെ ഹൈകോടതിയിൽ സമ൪പ്പിച്ച റിപ്പോ൪ട്ടിൽ പറഞ്ഞിരുന്നു. ഫ്ളാറ്റ് ഒന്നിന് കോടികൾ വിലയുള്ള പ്രദേശമാണ് ആദ൪ശ് ഹൗസിങ് സൊസൈറ്റി നിൽക്കുന്ന കൊളാബ. ഇവിടെ 65 ലക്ഷം രൂപ നിരക്കിലാണ് സൈനിക, ഉദ്യോഗസ്ഥ പ്രമുഖരും രാഷ്ട്രീയക്കാരും ഫ്ളാറ്റ് സ്വന്തമാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.