ഡബ്ളിന്: ഏഴു ദിവസത്തെ വിദേശസന്ദര്ശനത്തിന് യാത്രതിരിച്ച പ്രധാനമന്ത്രി നരേന്ദ്രമോദി യു.എസിലേക്കുള്ള യാത്രാമധ്യേ അയര്ലന്ഡിലത്തെി. അയര്ലന്ഡ് പ്രധാനമന്ത്രി എന്ഡാ കെന്നിയുമായി ചര്ച്ച നടത്തിയ ശേഷം യു.എസിലേക്ക് തിരിക്കും. ബുധനാഴ്ച ഉച്ചക്ക് അയര്ലന്ഡിലത്തെിയ മോദി എന്ഡാ കെന്നിക്കൊപ്പം ഉച്ചവിരുന്നില് പങ്കെടുത്തു. ഇരു രാജ്യങ്ങളും തമ്മിലെ വ്യാപാരബന്ധം ശക്തമാക്കുന്നതിനെക്കുറിച്ച് രണ്ട് പ്രധാനമന്ത്രിമാരും ചര്ച്ച നടത്തിയതായി ഒൗദ്യോഗിക വക്താവ് അറിയിച്ചു. തുടര്ന്ന് അയര്ലന്ഡിലെ ഇന്ത്യക്കാരുമായും മോദി കൂടിക്കാഴ്ച നടത്തി. 60 വര്ഷംമുമ്പാണ് ഒരു ഇന്ത്യന് പ്രധാനമന്ത്രി അയര്ലന്ഡ് സന്ദര്ശിച്ചത്. 1949ലും 56ലും ജവഹര്ലാല് നെഹ്റു അയര്ലന്ഡ് സന്ദര്ശിച്ചിരുന്നു. ഐക്യരാഷ്ട്ര രക്ഷാസമിതിയില് ഇന്ത്യക്ക് സ്ഥിരാംഗത്വത്തിനായി നടക്കുന്ന ചര്ച്ചകളില് മോദി പങ്കാളിയാകും. ശനിയാഴ്ച അമേരിക്കയിലെ സിലിക്കണ് വാലി സന്ദര്ശിക്കാന് പുറപ്പെടുന്നതിനുമുമ്പായി മോദി ജര്മന് ചാന്സലര് അംഗലാ മെര്കല്, ജാപ്പനീസ് പ്രധാനമന്ത്രി ഷിന്സോ ആബെ, ബ്രസീല് പ്രസിഡന്റ് ദില്മ റൂസേഫ് എന്നിവരുമായാണ് ജി 4, സമാന്തര ഉച്ചകോടി നടക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.