തൃശൂര്: ചെറിയാന് ഫിലിപ്പ് കോണ്ഗ്രസിന്െറ സംസ്കാരത്തെക്കുറിച്ച് ഫേസ്ബുക്കിലൂടെ പറഞ്ഞ കാര്യം സ്ത്രീ വിരുദ്ധമാണെന്ന് തനിക്കഭിപ്രായമില്ളെന്ന് സി.പി.എം പൊളിറ്റ് ബ്യൂറോ അംഗം പിണറായി വിജയന്. ഇക്കാര്യം കോണ്ഗ്രസിലെ തന്നെ ചില വനിത നേതാക്കള് മുമ്പും പറഞ്ഞിട്ടുണ്ട്. കോണ്ഗ്രസിനെക്കുറിച്ച് അടുത്തറിയാവുന്നതുകൊണ്ടാവും ചെറിയാന് ഫിലിപ്പ് അങ്ങനെ അഭിപ്രായപ്പെട്ടത്.
ചെറിയാന് ഫിലിപ്പ് എന്തു പറഞ്ഞുവെന്ന് മാധ്യമങ്ങള് ധരിപ്പിച്ചതിന് അനുസരിച്ചുള്ള പ്രതികരണമായിരിക്കാം വി.എസിന്െറ ഭാഗത്ത് നിന്നുണ്ടായിട്ടുണ്ടാവുക എന്നും പിണറായി വിജയന് മാധ്യമപ്രവര്ത്തകരോട് പറഞ്ഞു. സ്ത്രീ വിരുദ്ധ പരാമര്ശമാണ് ചെറിയാന് ഫിലിപ്പ് നടത്തിയതെന്ന വി.എസ് അച്യുതാനന്ദന്െറ അഭിപ്രായ പ്രകടനത്തെക്കുറിച്ച് ചൂണ്ടിക്കാട്ടിയപ്പോഴാണ് പിണറായി ഇങ്ങനെ പ്രതികരിച്ചത്.
മുഖ്യമന്ത്രി ഉമ്മന്ചാണ്ടിയും വെള്ളാപ്പള്ളി നടേശനും ആര്.എസ്.എസും ഉള്പ്പെട്ട ഒരു അവിശുദ്ധ കൂട്ടുകെട്ട് രൂപം കൊണ്ടിരിക്കുകയാണെന്നും ഇവര് തമ്മിലുള്ള ചര്ച്ചകളുടെ ഇടനിലക്കാരന് ആര്.എസ്.എസിന് വേണ്ടപ്പെട്ട ബിസിനസുകാരനായ ഗൗതം അദാനിയാണെന്നും പിണറായി വിജയന് പറഞ്ഞു. തൃശൂര് പ്രസ്ക്ളബിലെ മീറ്റ് ദ പ്രസ് പരിപാടിയില് സംസാരിക്കുകയായിരുന്നുഅദ്ദേഹം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.