ആരാധകർ ആവേശത്തോടെ കാത്തിരിക്കുന്ന മണിരത്നം ചിത്രം ചെക്കച്ചിവന്ത വാനത്തിലെ പാട്ടുകൾ തരംഗമാവുന്നു. ഇസൈ പുയൽ എ.ആർ റഹ്മാൻ ഇൗണമിട്ട മഴൈ കുരുവി, ഭൂമി ഭൂമി എന്നീ ഗാനങ്ങളാണ് സംഗീത പ്രേമികൾ ഏറ്റെടുത്തത്. റഹ്മാെൻറ വ്യത്യസ്തമായ സംഗീതം ആസ്വാദകർ ഏറ്റെടുത്തതിന് തെളിവായി യൂട്യൂബിൽ ലക്ഷണക്കിന് പേരാണ് ഗാനം കണ്ടത്.
ഇറങ്ങി രണ്ടുദിവസം പൂർത്തിയായപ്പോൾ രണ്ട് മില്യൺ കാഴ്ചക്കാരാണ് യൂട്യൂബിൽ മഴൈ കുരുവി എന്ന ഗാനത്തിന് ലഭിച്ചത്. വൈരമുത്തുവാണ് ഗാനങ്ങൾക്ക് വരികൾ ഒരുക്കിയത്. മഴൈ കുരുവി ആലപിച്ചത് എ.ആർ റഹ്മാൻ തന്നെയാണ്. ശക്തി ശ്രീ ഗോപാലനാണ് ഭൂമി ഭൂമി പാടിയിരിക്കുന്നത്.
പ്രകാശ് രാജ്, സിലമ്പരശൻ, അരവിന്ദ് സ്വാമി, വിജയ് സേതുപതി, അരുൺ വിജയ്, ജ്യോതിക, അതിഥി റാവു ഹൈദരി, തുടങ്ങി വമ്പൻ താരനിരയുമായി വരുന്ന ചിത്രത്തിന് രചന നിർവഹിച്ചിരിക്കുന്നത് സിവ ആനന്ദ്, മണിരത്നം എന്നിവർ ചേർന്നാണ്. സന്തോഷ് ശിവനാണ് ഛായാഗ്രഹണം. ശ്രീകർ പ്രസാദ് എഡിറ്റിങ്ങും ദിലിപ് സുബ്ബരായൻ ആക്ഷനും കൈകാര്യം ചെയ്തിരിക്കുന്നു. യൂട്യൂബിൽ 92 ലക്ഷം കാഴ്ചക്കാരുമായി തരംഗമായിരിക്കുകയാണ് മണിരത്നത്തിെൻറ ചെക്കച്ചിവന്ത വാനം എന്ന ചിത്രത്തിെൻറ ട്രെയിലർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.