ന്യൂഡൽഹി: കോവിഡ് പ്രതിരോധ രംഗത്ത് മുൻനിരയിലുള്ള ആരോഗ്യപ്രവർത്തകർക്ക് 1000 സ്വയം സുരക്ഷാ ഉപകരണങ്ങൾ (പി.പി.ഇ കിറ്റ്) സംഭാവന ചെയ്ത് ബോളിവുഡ് നടനും സംവിധായകനുമായ ഫർഹാൻ അക്തർ. ട്വിറ്റർ വിഡിയോയിലൂടെ രാജ്യത്തെ സർക്കാർ ആശുപത്രികൾക്ക് 1000 കിറ്റുകൾ നൽകിയ വിവരം പങ്കുവെച്ച ഫർഹാൻ കൂടുതൽ സഹായം ചെയ്യാൻ ജനങ്ങളോട് ആഹ്വാനം ചെയ്യുകയും ചെയ്തു.
‘ഒരു പി.പി.ഇ കിറ്റിന് 650 രൂപയാണ് വില. ഏറ്റവും ആവശ്യമുള്ള ആശുപത്രികൾക്കാണിവ വിതരണം ചെയ്യുന്നത്’ സഹായം ചെയ്യാനായി തൻെറ ഫോളോവേഴ്സിനോട് ഫർഹാൻ അഭ്യർഥിച്ചു. സഹായിക്കുന്നവരെ വ്യക്തിപരമായി അഭിനന്ദിക്കുമെന്ന ‘ഓഫറും’ താരം മുന്നോട്ടുവെക്കുന്നു. പോസ്റ്റിൽ മെൻഷൻ ചെയ്യുകയോ, വിഡിയോയിൽ പരാമർശിക്കുകയോ, വിഡിയോ കാൾ ചെയ്യുകയോ ആയിരിക്കും ചെയ്യുകയെന്ന് ഫർഹാൻ വ്യക്തമാക്കി.
Help our COVID 19 warriors.
— Farhan Akhtar (@FarOutAkhtar) May 7, 2020
I am personally donating 1000 PPE kits which are in need across India for our doctors/medical staff
For ur contribution, I’ll send u a personal thanks by mention/video shout/video call for ur generosity
Log in- https://t.co/8Mcz0LAN7w
pic.twitter.com/AjRgu7LTFC
പി.പി.ഇ കിറ്റുകൾ സ്പോൺസർ ചെയ്യാൻ അവസരമൊരുക്കുന്ന വെബ്സൈറ്റിൻെറ ലിങ്ക് ആരാധകർക്കായി ഫർഹാൻ പങ്കുവെച്ചു. ഫർഹാനെ കൂടാതെ ബോളിവുഡ് നടിമാരായ വിദ്യ ബാലനും സോനാക്ഷി സിൻഹയും ആരോഗ്യ പ്രവർത്തകർക്ക് പി.പി.ഇ കിറ്റ് നൽകാൻ ഫണ്ട് സമാഹരിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.