ചിന്നക്കട്ടിയിൽ ബസും വാനും കൂട്ടിയിടിച്ച് മൂന്ന് മരണം

മംഗളൂരു: ദാവൺഗരെ ജില്ലയിൽ ചിന്നക്കട്ടെ-ശിവപുര സംസ്ഥാന പാതയിൽ ചിന്നക്കട്ടിയിൽ വ്യാഴാഴ്ച ബസും വാനും കൂട്ടിയിടിച്ച് മൂന്ന് പേർ മരിച്ചു. ശിവമോഗ റൂറൽ ഹരമഘട്ട സ്വദേശികളും കാർ യാത്രക്കാരുമായ നഞ്ചുണ്ടപ്പ (83), ദേവരാജ് (30), രാകേഷ് (27) എന്നിവരാണ് മരിച്ചത്. ആറു പേർക്ക് പരിക്കേറ്റു.

ശിക്കാരിപുരയിൽ നിന്ന് ശിവമോഗയിലേക്ക് വരികയായിരുന്ന നോർത്ത് വെസ്റ്റേൺ കർണാടക റോഡ് ട്രാൻസ്പോർട്ട് കോർപറേഷൻ ബസും മാരുതി ഓംനി വാനുമാണ് കൂട്ടിയിടിച്ചത്. പരിക്കേറ്റവരിൽ രണ്ടു പേരുടെ നില ഗുരുതരമായതിനാൽ ശിവമോഗ മെഗ്ഗാൻ ആശുപത്രിയിലേക്ക് മാറ്റി.

മറ്റുള്ളവർ ന്യാമതി ഗവ. ആശുപത്രിയിൽ ചികിത്സയിലാണ്. ന്യായമതി റൂറൽ പൊലീസ് കേസെടുത്തു.