ബാംഗ്ലൂർ കേരള സമാജം അൾസൂർ സോൺ കുടുംബസംഗമത്തിന്റെ ഉദ്ഘാടന ചടങ്ങിൽനിന്ന്
ബംഗളൂരു: ബാംഗ്ലൂർ കേരള സമാജം അൾസൂർ സോൺ, ആർ.ബി ഫൗണ്ടേഷൻ, എൻ.എ.എൽ കൈരളി കലാവാണി, ഗർഷോം ഫൗണ്ടേഷൻ എന്നീ സംഘടനകളുടെ നേതൃത്വത്തിൽ നിർമിച്ച മൂന്നു വീടുകൾ കൈമാറി. വിമാന പുര കൈരളീ നിലയം സ്കൂൾ അങ്കണത്തിൽ കേരള സമാജം അൾസൂർ സോണിന്റെ കുടുംബസംഗമത്തിൽ നടന്ന ചടങ്ങിലാണ് ഗുണഭോക്താക്കൾക്ക് താക്കോൽ കൈമാറിയത്.
അൾസൂർ സോൺ ചെയർമാൻ ഷിജോ ഫ്രാൻസിസ് അധ്യക്ഷതവഹിച്ചു. കലാപരിപാടികൾ അരങ്ങേറി. കസ്റ്റംസ് ജോയന്റ് കമീഷണർ ആർ. ഗോപകുമാർ, മുൻ എം.എൽ.എ ഐവാൻ നിഗ്ലി എന്നിവർ വിശിഷ്ടാതിഥികളായി. പ്രസിഡന്റ് സി.പി. രാധാകൃഷ്ണൻ, വൈസ് പ്രസിഡന്റ് പി.കെ. സുധിഷ്, ജനറൽ സെക്രട്ടറി റെജികുമാർ, കെ.എൻ.ഇ ട്രസ്റ്റ് പ്രസിഡന്റ് ചന്ദ്രശേഖരൻ നായർ, സെക്രട്ടറി ജയ്ജോ ജോസഫ് എന്നിവർ സംസാരിച്ചു.
ബാംഗ്ലൂർ കേരള സമാജം അൾസൂർ സോൺ കുടുംബസംഗമത്തിൽ അരങ്ങേറിയ നൃത്തം
അൾസൂർ സോണിലെ മുതിർന്ന അംഗങ്ങളായ ജേക്കബ് വർഗീസ്, സി. ഗോപിനാഥൻ, ദാമോദരൻ കെ, വിക്രമൻ പിള്ള, നാരായണൻ നായർ എന്നിവരെ ചടങ്ങിൽ ആദരിച്ചു. പ്രോഗ്രാം കമ്മിറ്റി ചെയർമാൻ ജയകുമാർ മേനോൻ നന്ദി പറഞ്ഞു. ആനവണ്ടി ദ ബാന്റ് അവതരിപ്പിക്കുന്ന സംഗീതപരിപാടി അരങ്ങേറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.