ഇരുചക്ര വാഹനങ്ങളുടെ നിയമലംഘനം; മംഗളൂരുവിൽ കേരള രജിസ്ട്രേഷൻ വാഹനങ്ങൾ പ്രത്യേക നിരീക്ഷണത്തിൽ

മം​ഗ​ളൂ​രു: ഗ​താ​ഗ​ത കു​റ്റ​കൃ​ത്യ​ങ്ങ​ളി​ൽ ഉ​ൾ​പ്പെ​ടു​ന്ന കേ​ര​ള ര​ജി​സ്ട്രേ​ഷ​ൻ വാ​ഹ​ന​ങ്ങ​ൾ സ്ഥ​ല​ത്തു​വെ​ച്ചു​ത​ന്നെ പി​ടി​ച്ചെ​ടു​ക്കു​മെ​ന്ന് മം​ഗ​ളൂ​രു സി​റ്റി പൊ​ലീ​സ്. കാ​സ​ർ​കോ​ട് ജി​ല്ല പൊ​ലീ​സ് മേ​ധാ​വി വി​ജ​യ് ഭാ​ര​ത് റെ​ഡ്ഡി​യു​മാ​യി ന​ട​ത്തി​യ ച​ർ​ച്ച​യി​ൽ ഈ ​നീ​ക്ക​ത്തെ പി​ന്തു​ണ​ച്ച​താ​യും മം​ഗ​ളൂ​രു സി​റ്റി പൊ​ലീ​സ് ക​മീ​ഷ​ണ​ർ സു​ധീ​ർ കു​മാ​ർ റെ​ഡ്ഡി പ​റ​ഞ്ഞു.

കേ​ര​ള​ത്തി​ൽ ര​ജി​സ്റ്റ​ർ ചെ​യ്ത ഇ​രു​ച​ക്ര വാ​ഹ​ന​ങ്ങ​ൾ മം​ഗ​ളൂ​രു​വി​ൽ ന​ട​ത്തു​ന്ന നി​യ​മ​ലം​ഘ​ന​ങ്ങ​ളി​ൽ വ​ലി​യ വ​ർ​ധ​ന​യു​ണ്ടാ​യി​ട്ടു​ണ്ട്. ഇ​തി​ൽ ഏ​ക​ദേ​ശം 90 ശ​ത​മാ​നം പേ​രും മം​ഗ​ളൂ​രു​വി​ലും പ്രാ​ന്ത​പ്ര​ദേ​ശ​ങ്ങ​ളി​ലു​മു​ള്ള കോ​ള​ജ് വി​ദ്യാ​ർ​ഥി​ക​ളാ​ണെ​ന്ന് തി​രി​ച്ച​റി​ഞ്ഞി​ട്ടു​ണ്ട്. പൊ​തു​ജ​ന സു​ര​ക്ഷ അ​പ​ക​ട​ത്തി​ലാ​ക്കു​ന്ന ത​ര​ത്തി​ൽ അ​ശ്ര​ദ്ധ​മാ​യി വാ​ഹ​ന​മോ​ടി​ക്കു​ന്ന​താ​യി വി​ദ്യാ​ർ​ഥി​ക​ൾ​ക്കെ​തി​രെ പ​ല​പ്പോ​ഴും ആ​രോ​പ​ണ​മു​ണ്ട്.

സി.​സി.​ടി.​വി ദൃ​ശ്യ​ങ്ങ​ളു​ടെ അ​ടി​സ്ഥാ​ന​ത്തി​ൽ നോ​ട്ടീ​സ് ന​ൽ​കി​യി​ട്ടും പാ​ലി​ക്ക​ൽ വ​ള​രെ കു​റ​വാ​ണെ​ന്ന് പൊ​ലീ​സ് പ​റ​യു​ന്നു. ഗ​താ​ഗ​ത മാ​ന​ദ​ണ്ഡ​ങ്ങ​ൾ ലം​ഘി​ക്കു​ന്ന​താ​യി ക​ണ്ടെ​ത്തി​യ കേ​ര​ള ര​ജി​സ്ട്രേ​ഷ​ൻ വാ​ഹ​ന​ങ്ങ​ൾ ഉ​ട​ൻ പി​ടി​ച്ചെ​ടു​ക്കാ​ൻ സി​റ്റി പൊ​ലീ​സ് ക​മീ​ഷ​ണ​ർ ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി. പി​ഴ അ​ട​ച്ച​തി​നു​ശേ​ഷം മാ​ത്ര​മേ വാ​ഹ​ന​ങ്ങ​ൾ വി​ട്ട​യ​ക്കൂ.

കേ​ര​ള​ത്തി​ൽ​നി​ന്നു​ള്ള വി​ദ്യാ​ർ​ഥി​ക​ൾ ആ​വ​ർ​ത്തി​ച്ച് നി​യ​മ​ലം​ഘ​നം ന​ട​ത്തു​ന്ന​തി​ൽ പ്ര​ദേ​ശ​വാ​സി​ക​ൾ ആ​ശ​ങ്ക പ്ര​ക​ടി​പ്പി​ക്കു​ക​യും കോ​ള​ജ് മാ​നേ​ജ്മെ​ന്റു​ക​ൾ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ടു​ക​യും ചെ​യ്തു. സ്ഥാ​പ​ന​ങ്ങ​ൾ പ്രാ​ദേ​ശി​ക ഗ​താ​ഗ​ത നി​യ​മ​ങ്ങ​ളെ​ക്കു​റി​ച്ച് വി​ദ്യാ​ർ​ഥി​ക​ളെ ക​ർ​ശ​ന​മാ​യി ബോ​ധ​വ​ത്ക​രി​ക്ക​ണ​മെ​ന്നും അ​വ പാ​ലി​ക്കാ​ത്ത കേ​സു​ക​ളി​ൽ അ​ച്ച​ട​ക്ക ന​ട​പ​ടി​യെ​ടു​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു.

ഹെ​ൽ​മ​റ്റി​ല്ലാ​തെ വാ​ഹ​ന​മോ​ടി​ക്ക​ൽ, ട്രി​പ്പി​ൾ റൈ​ഡി​ങ്, അ​മി​ത​വേ​ഗം, ടി​ന്റ​ഡ് കാ​ർ വി​ൻ​ഡോ​ക​ൾ ഉ​പ​യോ​ഗി​ക്ക​ൽ, അ​പ​ക​ട​ക​ര​മാ​യ ഡ്രൈ​വി​ങ് എ​ന്നി​വ റി​പ്പോ​ർ​ട്ട് ചെ​യ്യ​പ്പെ​ട്ട കു​റ്റ​കൃ​ത്യ​ങ്ങ​ളി​ൽ ഉ​ൾ​പ്പെ​ടു​ന്നു. ചി​ല സ​ന്ദ​ർ​ഭ​ങ്ങ​ളി​ൽ ഇ​ട​പെ​ടാ​ൻ ശ്ര​മി​ച്ച നാ​ട്ടു​കാ​രെ നി​യ​മ​ലം​ഘ​ക​ർ ഭീ​ഷ​ണി​പ്പെ​ടു​ത്തി​യ​താ​യും ആ​രോ​പ​ണ​മു​ണ്ട്.