ബ​ന്ദി​പ്പൂ​രി​ലെ രാ​ത്രി​യാ​ത്ര വി​ല​ക്ക്; തുരങ്കപാതക്ക് ഡി.​പി.​ആ​ർ ത​യാ​റാ​ക്കാ​ൻ നി​ർ​ദേ​ശം

ബം​​ഗ​ളൂ​രു: ഏ​റെ​ക്കാ​ല​മാ​യി കാ​ത്തി​രി​ക്കു​ന്ന ബ​ന്ദി​പ്പൂ​ർ ടൈ​​ഗ​ർ റി​സ​ർ​വി​ലൂ​ടെ​യു​ള്ള തു​ര​ങ്ക​പാ​ത നി​ർ​മി​ക്കാ​ൻ വി​ശ​ദ​മാ​യ പ​ദ്ധ​തി രേ​ഖ (ഡി.​പി.​ആ​ർ) ത​യാ​റാ​ക്കാ​ൻ നി​ർ​ദേ​ശം ന​ൽ​കി കേ​ന്ദ്ര സ​ർ​ക്കാ​ർ. പ​ദ്ധ​തി ന​ട​പ്പാ​വു​ക​യാ​ണെ​ങ്കി​ൽ വ​യ​നാ​ട് ഭാ​​ഗ​ത്തു​നി​ന്ന് മൈ​സൂ​രു, ബം​​ഗ​ളൂ​രു ഭാ​​ഗ​ത്തേ​ക്ക് രാ​ത്രി​യാ​ത്ര എ​ളു​പ്പ​മാ​കും.

നി​ല​വി​ൽ രാ​ത്രി 9 മു​ത​ൽ രാ​വി​ലെ 6 വ​രെ യാ​ത്ര വി​ല​ക്കു​ള്ള​തി​നാ​ൽ മാ​ന​ന്ത​വാ​ടി, കു​ട്ട, ​ഗോ​ണി​ക്കു​പ്പ, ഹു​ൻ​സൂ​ർ വ​ഴി 35 കി​ലോ​മീ​റ്റ​ർ അ​ധി​കം സ‍ഞ്ച​രി​ച്ചാ​ലാ​ണ് രാ​ത്രി​യി​ൽ വ​യ​നാ​ടു​നി​ന്ന് മൈ​സൂ​രു​വി​ലെ​ത്താ​നാ​കു​ക.

രാ​ത്രി യാ​ത്ര വി​ല​ക്കു​ള്ള ബ​ന്ദി​പ്പൂ​ർ ടൈ​​ഗ​ർ റി​സ​ർ​വി​ലെ 25 കി​ലോ​മീ​റ്റ​ർ ഭാ​​ഗ​ത്താ​ണ് ട​ണ​ൽ നി​ർ​മി​ക്കു​ന്ന​ത്. നേ​ര​ത്തേ മാ​ന​ന്ത​വാ​ടി, കു​ട്ട, ​ഗോ​ണി​ക്കു​പ്പ ഹു​ൻ​സൂ​ർ വ​ഴി​യു​ള്ള ബ​ദ​ൽ പാ​ത വി​ക​സി​പ്പി​ക്കു​ക, ബ​ന്ദി​പ്പൂ​രി​ൽ എ​ല​വേ​റ്റ​ഡ് ഹൈ​വേ നി​ർ​മി​ക്കു​ക തു​ട​ങ്ങി​യ സാ​ധ്യ​ത​ക​ളെ​ക്കു​റി​ച്ച് സ​ർ​ക്കാ​ർ ആ​ലോ​ചി​ച്ചി​രു​ന്നെ​ങ്കി​ലും പാ​രി​സ്ഥി​തി​ക - സാ​മ്പ​ത്തി​ക വ​ശ​ങ്ങ​ളും മ​റ്റു പ്രാ​യോ​​ഗി​ക പ്ര​ശ്ന​ങ്ങ​ളും പ​രി​​ഗ​ണി​ച്ച് അ​വ ഒ​ഴി​വാ​ക്കു​ക​യാ​യി​രു​ന്നു.

എ​ല​വേ​റ്റ​ഡ് ഹൈ​വേ​ക്കെ​തി​രെ ക​ർ​ണാ​ട​ക സ​ർ​ക്കാ​റും എ​തി​ർ​പ്പു​ന്ന​യി​ച്ചി​രു​ന്നു. നി​ല​വി​ലു​ള്ള ദേ​ശീ​യ പാ​ത​യി​ൽ​ത​ന്നെ പ​രി​ഹാ​ര മാ​ർ​​ഗ​ങ്ങ​ൾ ക​ണ്ടെ​ത്തു​ക​യാ​ണ് ന​ല്ല​തെ​ന്ന് 2018ൽ ​സു​പ്രീം​കോ​ട​തി നി​യോ​​ഗി​ച്ച ക​മ്മി​റ്റി ക​ണ്ടെ​ത്തി​യി​രു​ന്നു.

തു​ട​ർ​ന്ന് കേ​ന്ദ്ര സ​ർ​ക്കാ​ർ സ​മാ​ന​മാ​യ ഒ​രു തു​ര​ങ്ക പ​ദ്ധ​തി നി​ർ​ദേ​ശി​ക്കു​ക​യും അ​തി​നെ​ക്കു​റി​ച്ച് പ​ഠി​ക്കാ​നാ​യി വി​ദ​ഗ്ധ​രും പ​രി​സ്ഥി​തി പ്ര​വ​ർ​ത്ത​ക​രും അ​ട​ങ്ങു​ന്ന ഒ​രു സാ​ങ്കേ​തി​ക സ​മി​തി രൂ​പ​വ​ത്ക​രി​ക്കാ​നൊ​രു​ങ്ങു​ക​യും ചെ​യ്തി​രു​ന്നു.

എ​ന്നാ​ൽ, ബ​ന്ദി​പ്പൂ​ർ ക​ടു​വ സ​ങ്കേ​ത​ത്തി​ലൂ​ടെ​യു​ള്ള തു​ര​ങ്ക​പാ​ത ഭൂ​ഗ​ർ​ഭ ജ​ല​സ്രോ​ത​സ്സു​ക​ൾ​ക്ക് നാ​ശ​മു​ണ്ടാ​ക്കു​മെ​ന്നും സ​സ്യ-​ജ​ന്തു​ജാ​ല​ങ്ങ​ളു​ടെ വ്യാ​പ​ക​മാ​യ നാ​ശ​ത്തി​ന് കാ​ര​ണ​മാ​കു​മെ​ന്നും വാ​ദി​ച്ച പ​രി​സ്ഥി​തി പ്ര​വ​ർ​ത്ത​ക​രു​ടെ ശ​ക്ത​മാ​യ എ​തി​ർ​പ്പി​നെ​ത്തു​ട​ർ​ന്ന് പ​ദ്ധ​തി ഉ​പേ​ക്ഷി​ച്ചു. ബ​ന്ദി​പ്പൂ​രി​ലെ യാ​ത്ര വി​ല​ക്കു​മാ​യി ബ​ന്ധ​പ്പെ​ട്ട കേ​സ് 14 വ​ർ​ഷ​മാ​യി സു​പ്രീം​കോ​ട​തി​യി​ലാ​ണ്. ഇ​നി കേ​സ് പ​രി​​ഗ​ണി​ക്കു​മ്പോ​ൾ തു​ര​ങ്ക​പാ​ത നി​ർ​ദേ​ശം കേ​ന്ദ്ര സ​ർ​ക്കാ​ർ കോ​ട​തി​യെ അ​റി​യി​ക്കും.

ഏ​റെ​ക്കാ​ല​മാ​യു​ള്ള ജ​ന​ങ്ങ​ളു​ടെ ആ​വ​ശ്യ​മാ​യ നി​ല​മ്പൂ​ർ - ന​ഞ്ച​ൻ​കോ​ട് റെ​യി​ൽ​വേ പാ​ത​യും കാ​ല​ങ്ങ​ളാ​യി പേ​പ്പ​റി​ലാ​ണ്. ഇ​തി​ന്റെ ഡി.​പി.​ആ​ർ അ​ന്തി​മ​ഘ​ട്ട​ത്തി​ലെ​ത്തി​യി​ട്ടു​ണ്ടെ​ങ്കി​ലും ഒ​ച്ചി​ഴ​യും വേ​​ഗ​ത്തി​ലാ​ണ് ന​ട​പ​ടി​ക​ളു​ണ്ടാ​കു​ന്ന​ത്. റെ​യി​ൽ​വേ​യു​ടെ ഭാ​വി​യി​ൽ ന​ട​പ്പാ​ക്കേ​ണ്ട പ​ദ്ധ​തി​ക​ൾ രേ​ഖ​പ്പെ​ടു​ത്തു​ന്ന പി​ങ്ക് ബു​ക്കി​ൽ പാ​ത​യെ ഉ​ൾ​പ്പെ​ടു​ത്തി​യി​ട്ടു​ണ്ട്.

ബ​ന്ദി​പ്പൂ​ർ വ​ന​ത്തി​ലൂ​ടെ ദേ​ശീ​യ​പാ​ത​യും റെ​യി​ൽ​വേ പാ​ത​യും ഒ​രു തു​ര​ങ്ക​ത്തി​ലൂ​ടെ കൊ​ണ്ടു​പോ​കു​ന്ന​തി​​ന്റെ സാ​ധ്യ​ത​ക​ള​റി​യി​ക്കാ​നും സു​പ്രീം​കോ​ട​തി നി​ർ​ദേ​ശി​ച്ചി​രു​ന്നു. ഇ​ക്കാ​ര്യ​ത്തി​ൽ റെ​യി​ൽ​വേ​ക്കും ദേ​ശീ​യ​പാ​ത അ​തോ​റി​റ്റി​ക്കും യോ​ജി​പ്പാ​ണു​ള്ള​തെ​ന്നാ​ണ് കേ​ന്ദ്ര റെ​യി​ൽ​വേ മ​ന്ത്രി അ​ശ്വി​നി വൈ​ഷ്ണ​വ് ക​ഴി​ഞ്ഞ മാ​സം പ​റ​ഞ്ഞ​ത്.