ബംഗളൂരു: കേരളത്തിലെ പ്രശസ്ത നാടക ട്രൂപ്പായ കെ.പി.എ.സിയുടെ അറുപത്തിയാറാമത് നാടകം ‘അപരാജിതർ’ ബംഗളൂരിൽ ജനുവരി 20 മുതൽ 23 വരെ വിവിധ വേദികളിൽ അരങ്ങേറും. പ്രദർശനം പാസ് മൂലം നിയന്ത്രിച്ചിട്ടുണ്ട്. ബാംഗ്ലൂർ കേരള സമാജം മല്ലേശ്വരം സോണിന്റെയും ബെൽമയുടെയും നേതൃത്വത്തിൽ ബെൽ കലാക്ഷേത്രയിൽ ആദ്യ പ്രദർശനം വെള്ളിയാഴ്ച വൈകീട്ട് ആറിന് നടക്കുമെന്ന് മല്ലേശ്വരം സോൺ ചെയർമാൻ രാജഗോപാൽ, കൺവീനർ അനിൽ കുമാർ എന്നിവർ അറിയിച്ചു. ഫോൺ: 879278516, 8310301304.
ശനിയാഴ്ച പുതുവത്സരാഘോഷങ്ങളുടെ ഭാഗമായി വിമാനപുര കൈരളി കലാസമിതിയുടെ നേതൃത്വത്തിൽ കൈരളി കലാസമിതി ഓഡിറ്റോറിയത്തിൽ നാടകം അരങ്ങേറുമെന്ന് കൈരളി കലാസമിതി ജനറൽ സെക്രട്ടറി പി.കെ. സുധീഷ് അറിയിച്ചു. ഫോൺ: 98454 39090.
ഞായറാഴ്ച ബാംഗ്ലൂർ കേരള സമാജം വൈറ്റ് ഫീൽഡ് സോണിന്റെ നേതൃത്വത്തിൽ വൈറ്റ് ഫീൽഡ് തിരുമല ഷെട്ടിഹള്ളി ക്രോസിലുള്ള ശ്രീ സായി പാലസിൽ വൈകീട്ട് ആറിന് നാടകാവതരണം നടക്കുമെന്ന് സോൺ ചെയർമാൻ ഡി. ഷാജി, കൺവീനർ അനിൽ കുമാർ എന്നിവർ അറിയിച്ചു. ഫോൺ: 9591432035, 9036339194.
തിങ്കളാഴ്ച കേരള സമാജത്തിന്റെയും ഈസ്റ്റ് കൾച്ചറൽ അസോസിയേഷന്റെയും ആഭിമുഖ്യത്തിൽ ഇന്ദിരാനഗർ ഇ.സി.എ ഓഡിറ്റോറിയത്തിൽ രാത്രി ഏഴിന് നാടകമവതരിപ്പിക്കുമെന്ന് കേരള സമാജം ജനറൽ സെക്രട്ടറി റജി കുമാർ, ഇ.സി.എ ജനറൽ സെക്രട്ടറി സോബിൻ സോമൻ എന്നിവർ അറിയിച്ചു. ഫോൺ: 9845222688, 9880066695.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.