ഇൻസ്പെക്ടർ
നഞ്ചപ്പ
മംഗളൂരു: ഡ്യൂട്ടിക്കിടെ കുഴഞ്ഞു വീണ് ആശുപത്രിയിൽ പ്രവേശിപ്പിച്ച ഇൻസ്പെക്ടർ നിര്യാതനായി. കുന്താപുരം പൊലീസ് സ്റ്റേഷനിലെ ഇൻസ്പെക്ടർ എൻ.നഞ്ചപ്പയാണ് (59) മരിച്ചത്. ശിവമൊഗ്ഗ ജില്ലയിലെ ഭദ്രാവതി സ്വദേശിയായ നഞ്ചപ്പ കഴിഞ്ഞ വർഷം ആഗസ്റ്റ് മുതൽ കുന്താപുരം പൊലീസ് സ്റ്റേഷനിൽ ഇൻസ്പെക്ടറായി സേവനമനുഷ്ഠിച്ചുവരുകയായിരുന്നു. തിങ്കളാഴ്ച ഡ്യൂട്ടിയിലിരിക്കെ കുഴഞ്ഞുവീഴുകയായിരുന്നു. ചികിത്സക്കായി ഉഡുപ്പിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
ചികിത്സയിൽ അദ്ദേഹത്തിന്റെ ആരോഗ്യനിലയിൽ കാര്യമായ പുരോഗതിയുണ്ടായില്ല. 2003ൽ സബ് ഇൻസ്പെക്ടറായി പൊലീസ് സേനയിൽ ചേർന്ന നഞ്ചപ്പ ശിവമൊഗ്ഗ, ദാവണഗെരെ, ഹാവേരി തുടങ്ങിയ വിവിധ സ്ഥലങ്ങളിൽ സേവനമനുഷ്ഠിച്ചു. ഇൻസ്പെക്ടറായി സ്ഥാനക്കയറ്റം ലഭിച്ച ശേഷം കടൂർ, ഭദ്രാവതി, ഗംഗോള്ളി തീരദേശ സുരക്ഷ സേന എന്നിവിടങ്ങളിൽ നാലുവർഷം സേവനമനുഷ്ഠിച്ച ശേഷം 2024 ആഗസ്റ്റിൽ കുന്താപുരം പൊലീസ് സ്റ്റേഷനിലെ ഇൻസ്പെക്ടറായി നിയമിതനായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.