അഞ്ചുതവണ തുടർച്ചയായി കുന്ദാപൂർ എം.എൽ.എ; ഹാലഡി ​ശ്രീനിവാസ്​ ഷെട്ടി ഇനി മത്സരിക്കാനില്ല

ബം​ഗ​ളൂ​രു: ഉ​ഡു​പ്പി ജി​ല്ല​യി​ലെ കു​ന്ദാ​പൂ​ർ മ​ണ്ഡ​ല​ത്തി​ൽ​നി​ന്ന്​ 1999 മു​ത​ൽ തു​ട​ർ​ച്ച​യാ​യി അ​ഞ്ചു​ത​വ​ണ എം.​എ​ൽ.​എ​യാ​യ ഹാ​ല​ഡി ​ശ്രീ​നി​വാ​സ്​ ഷെ​ട്ടി ഇ​നി മ​ത്സ​രി​ക്കാ​നി​ല്ല. ത​ന്‍റെ സ്വ​ന്തം ഇ​ഷ്ട​പ്ര​കാ​ര​മാ​ണ്​ തീ​രു​മാ​ന​മെ​ന്നും മ​ണ്ഡ​ല​ത്തി​ലെ എ​ല്ലാ ജ​ന​ങ്ങ​ളോ​ടും ന​ന്ദി​യു​ണ്ടെ​ന്നും 71കാ​ര​നാ​യ അ​ദ്ദേ​ഹം പ​റ​ഞ്ഞു. ’99, 2004, 2008, 2018 തെ​ര​ഞ്ഞെ​ടു​പ്പു​ക​ളി​ൽ ബി.​ജെ.​പി ടി​ക്ക​റ്റി​ൽ കു​ന്ദാ​പൂ​രി​ൽ​നി​ന്ന്​ വി​ജ​യി​ച്ച​യാ​ളാ​ണ്​ ഷെ​ട്ടി.

‘കു​ന്ദാ​പു​ര’​യി​ലെ വാ​ജ്​​പേ​യി എ​ന്ന്​ അ​റി​യ​പ്പെ​ടു​ന്ന ഷെ​ട്ടി ത​ന്നെ മ​ന്ത്രി​യാ​ക്കാ​ത്ത​തി​നെ​ത്തു​ട​ർ​ന്ന്​ 2012ൽ ​എം.​എ​ൽ.​എ സ്ഥാ​നം രാ​ജി​വെ​ച്ചി​രു​ന്നു. ബി.​ജെ.​പി​യി​ൽ​നി​ന്നും രാ​ജി​വെ​ച്ചി​രു​ന്നു. 2013ൽ ​സ്വ​ത​ന്ത്ര​നാ​യി മ​ത്സ​രി​ക്കു​ക​യും ആ​കെ വോ​ട്ടി​ന്‍റെ 57.97 ശ​ത​മാ​ന​വും (80,563 വോ​ട്ടു​ക​ൾ) നേ​ടി​ ത​ക​ർ​പ്പ​ൻ ജ​യം നേ​ടു​ക​യും ചെ​യ്തി​രു​ന്നു. ആ ​തെ​ര​ഞ്ഞെ​ടു​പ്പി​ൽ ബി.​ജെ.​പി​യു​ടെ ഔ​ദ്യോ​ഗി​ക സ്ഥാ​നാ​ർ​ഥി മൂ​ന്നാം​സ്ഥാ​ന​ത്തേ​ക്ക്​ പി​ന്ത​ള്ള​പ്പെ​ട്ടു. കോ​ൺ​ഗ്ര​സി​ന്‍റെ മാ​ൽ​യാ​ദി ശി​വ​രാ​മ ഷെ​ട്ടി 39,952 വോ​ട്ടു​നേ​ടി ര​ണ്ടാം സ്ഥാ​ന​ത്തെ​ത്തി. എം.​എ​ൽ.​എ എ​ന്ന നി​ല​യി​ൽ സാ​മൂ​ഹി​ക​നീ​തി​ക്കാ​യി പ്ര​വ​ർ​ത്തി​ച്ചെ​ന്നും ഒ​പ്പം നി​ന്ന നേ​താ​ക്ക​ൾ​ക്കും പ്ര​വ​ർ​ത്ത​ക​രോ​ടും ക​ട​പ്പാ​ടു​ണ്ടെ​ന്നും ഹാ​ല​ഡി ​ശ്രീ​നി​വാ​സ്​ ഷെ​ട്ടി പ​റ​ഞ്ഞു. അ​തേ​സ​മ​യം, മ​ണ്ഡ​ല​ത്തി​ൽ ആ​രെ മ​ത്സ​രി​പ്പി​ക്ക​ണ​മെ​ന്ന്​ ഷെ​ട്ടി നി​ർ​ദേ​ശി​ച്ചി​ട്ടി​ല്ല. എ​ന്നാ​ൽ, അ​ടു​ത്ത അ​നു​യാ​യി​യും ക​ർ​ണാ​ട​ക ഫു​ഡ്​ ആ​ൻ​ഡ്​ സി​വി​ൽ സ​​പ്ലൈ​സ്​ കോ​ർ​പ​റേ​ഷ​ൻ വൈ​സ്​ ചെ​യ​ർ​പേ​ഴ്​​സ​നും അ​ന്ത​രി​ച്ച ബി.​ജെ.​പി നേ​താ​വ്​ എ.​ജി. കൊ​ട്​​ഗി​യു​ടെ മ​ക​നു​മാ​യ എ. ​കി​ര​ൺ കു​മാ​ർ കൊ​ട്​​ഗി​യെ മ​ത്സ​രി​പ്പി​ക്ക​ണ​മെ​ന്ന്​ അ​ദ്ദേ​ഹം പാ​ർ​ട്ടി നേ​തൃ​ത്വ​ത്തോ​ട്​ ആ​വ​ശ്യ​പ്പെ​ട്ടെ​ന്നാ​ണ്​ അ​റി​യു​ന്ന​ത്. പ്രാ​യം പ​രി​ഗ​ണി​ച്ചാ​ണ്​ ഷെ​ട്ടി തെ​ര​ഞ്ഞെ​ടു​പ്പ്​ രാ​ഷ്ട്രീ​യ​ത്തി​ൽ​നി​ന്ന്​ പി​ൻ​വാ​ങ്ങു​ന്ന​തെ​ന്നും പാ​ർ​ട്ടി​യു​ടെ വ​ഴി​കാ​ട്ടി​യാ​യി തു​ട​ർ​ന്നു​മു​ണ്ടാ​കു​മെ​ന്നും ഉ​ഡു​പ്പി ജി​ല്ല ക​മ്മി​റ്റി പ്ര​സി​ഡ​ന്‍റ്​​ കു​യി​ലാ​ടി സു​രേ​ഷ്​ നാ​യ​ക്​ പ്ര​തി​ക​രി​ച്ചു.