ജെ​സ്കോം ജീ​വ​ന​ക്കാ​ര​ൻ ഭാ​ര്യ​യെ​യും ര​ണ്ടു മ​ക്ക​ളെ​യും കൊ​ന്ന് ജീ​വ​നൊ​ടു​ക്കി

ബം​ഗ​ളൂ​രു: ഭാ​ര്യ​യെ​യും ര​ണ്ടു മ​ക്ക​ളെ​യും കൊ​ല​പ്പെ​ടു​ത്തി​യ ശേ​ഷം ‘ജെ​സ്‌​കോം’ ജീ​വ​ന​ക്കാ​ര​ൻ സ്വ​യം ജീ​വ​നൊ​ടു​ക്കി. ക​ല​ബു​റ​ഗി ഗ​ബാ​രെ ലേ​ഔ​ട്ടി​ൽ താ​മ​സി​ച്ചി​രു​ന്ന സ​ന്തോ​ഷ് കു​മാ​ർ കൊ​റ​ള്ളി (38), ഭാ​ര്യ ശ്രു​തി(33), മ​ക്ക​ളാ​യ മു​നി​ഷ് (അ​ഞ്ച്), അ​നീ​ഷ് (നാ​ല് മാ​സം) എ​ന്നി​വ​രാ​ണ് മ​രി​ച്ച​ത്. വൈ​ദ്യു​തി വി​ത​ര​ണ ക​മ്പ​നി​യി​ലെ (ജെ​സ്‌​കോം) സീ​നി​യ​ർ അ​ക്കൗ​ണ്ട​ന്റാ​യി​രു​ന്നു സ​ന്തോ​ഷ്‌.

ക​ഴി​ഞ്ഞ ദി​വ​സം വൈ​കു​ന്നേ​രം ജോ​ലി ക​ഴി​ഞ്ഞ് തി​രി​ച്ചെ​ത്തി​യ സ​ന്തോ​ഷ് ഭാ​ര്യ​യെ​യും മ​ക്ക​ളെ​യും ക​ഴു​ത്തു​ഞെ​രി​ച്ച് കൊ​ല​പ്പെ​ടു​ത്തി​യ ശേ​ഷം തൂ​ങ്ങി​മ​രി​ക്കു​ക​യാ​യി​രു​ന്നു​വെ​ന്ന് പൊ​ലീ​സ് പ​റ​ഞ്ഞു. ആ​ത്മ​ഹ​ത്യാ​ക്കു​റി​പ്പ് പൊ​ലീ​സി​ന് ല​ഭി​ച്ചി​ട്ടു​ണ്ട്. 10 വ​ർ​ഷം മു​മ്പാ​ണ് സ​ന്തോ​ഷ് ബി​ദാ​ർ സ്വ​ദേ​ശി​നി​യാ​യ ശ്രു​തി​യെ വി​വാ​ഹം ക​ഴി​ച്ച​ത്.

ക​ഴി​ഞ്ഞ ഏ​താ​നും വ​ർ​ഷ​മാ​യി ദ​മ്പ​തി​ക​ൾ​ക്കി​ട​യി​ൽ ത​ർ​ക്ക​ങ്ങ​ൾ പ​തി​വാ​യി​രു​ന്നു. സ​ന്തോ​ഷ് അ​ടു​ത്തി​ടെ പു​തി​യ ഫ്ലാ​റ്റ് വാ​ങ്ങി അ​വി​ടെ താ​മ​സം മാ​റ്റാ​ൻ പ​ദ്ധ​തി​യി​ട്ടി​രു​ന്നു​വ​ത്രെ. എ​ന്നാ​ൽ, ശ്രു​തി ഇ​തി​നെ​തി​രാ​യി​രു​ന്നു. ഇ​തേ​തു​ട​ർ​ന്നു​ണ്ടാ​യ വ​ഴ​ക്കാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​തെ​ന്ന് പൊ​ലീ​സ് പ​റ​ഞ്ഞു. സം​ഭ​വ​ത്തി​ൽ സ്റ്റേ​ഷ​ൻ ബ​സാ​ർ പൊ​ലീ​സ് കേ​സെ​ടു​ത്തു.