ബിജു സിറിയക്
ബംഗളൂരു: മലയാളി മാധ്യമപ്രവർത്തകൻ ബിജു ബാബു സിറിയക്കിനെ ഏഷ്യൻ അത്ലറ്റിക്സ് പ്രസ് ആൻഡ് മീഡിയ കൗൺസിൽ അംഗമായി തിരഞ്ഞെടുത്തു. ഫിലിപ്പീൻസിലെ മനിലയിൽ നടന്ന 101ാമത് കൗൺസിൽ യോഗത്തിലാണ് ദക്ഷിണേഷ്യൻ പ്രതിനിധിയായി വീണ്ടും നാമനിർദേശം ചെയ്തത്. കൗൺസിലിന്റെ പരമോന്നത സമിതി നാമനിർദേശത്തിന് അംഗീകാരം നൽകി. മുബാറക് അൽ ബൊയ്നീനാണ് കമീഷൻ ചെയർമാൻ. 2023-2027 വരെയുള്ള കാലയളവിലേക്കാണ് നിയമനം. ടൈംസ് ഓഫ് ഇന്ത്യയിൽ സ്പോർട്സ് വിഭാഗത്തിൽ ന്യൂസ് എഡിറ്ററായ ബിജു സിറിയക് തിരുവനന്തപുരം സ്വദേശിയാണ്. മുട്ടട സന്തോഷ് നഗറിൽ മുൻ ഐ.പി.എസ് ഉദ്യോഗസ്ഥൻ ബാബു സിറിയക്-ഓമന ദമ്പതികളുടെ മകനാണ്. ഭാര്യ നീതു റോസ ജോർജ് ബംഗളൂരു എച്ച്.എ.എൽ ചീഫ് മാനേജറാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.