വെള്ളക്കെട്ട് അപകടം: കർണാടകയിലെ മുഴുവൻ അടിപ്പാതകളുടെയും കണക്കെടുക്കും

ബം​ഗ​ളൂ​രു: ന​ഗ​ര​ത്തി​ലെ കെ.​ആ​ർ സ​ർ​ക്കി​ളി​ലെ അ​ടി​പ്പാ​ത​യി​ൽ വെ​ള്ള​ക്കെ​ട്ടി​ൽ കാ​ർ മു​ങ്ങി സോ​ഫ്റ്റ്​​വെ​യ​ർ ജീ​വ​ന​ക്കാ​രി മ​രി​ച്ച സം​ഭ​വ​ത്തി​ൽ സം​സ്ഥാ​ന​ത്തെ മു​ഴു​വ​ൻ അ​ടി​പ്പാ​ത​ക​ളു​ടെ​യും സ്ഥി​തി വി​വ​ര ക​ണ​ക്കെ​ടു​ക്കാ​ൻ ഉ​പ​മു​ഖ്യ​മ​ന്ത്രി ഡി.​​കെ. ശി​വ​കു​മാ​ർ ബ​ന്ധ​പ്പെ​ട്ട വ​കു​പ്പി​നോ​ട് ആ​വ​ശ്യ​പ്പെ​ട്ടു.

എ​ല്ലാം ഒ​റ്റ​ദി​വ​സം കൊ​ണ്ട് സം​ഭ​വി​ക്കു​ന്ന​ത​ല്ലെ​ന്നും എ​ന്നാ​ൽ, ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്നും ശി​വ​കു​മാ​ർ പ​റ​ഞ്ഞു. ഞാ​യ​റാ​ഴ്ച രാ​ത്രി മ​ന്ത്രി രാ​മ​ലിം​ഗ റെ​ഡ്ഡി, ബി.​ബി.​എം.​പി ക​മീ​ഷ​ണ​ർ തു​ഷാ​ർ ഗി​രി​നാ​ഥ് എ​ന്നി​വ​ർ​ക്കൊ​പ്പം ശി​വ​കു​മാ​ർ അ​പ​ക​ട​സ്ഥ​ലം സ​ന്ദ​ർ​ശി​ച്ചി​രു​ന്നു.

ഇ​തേ തു​ട​ർ​ന്ന് ബം​ഗ​ളൂ​രു ന​ഗ​ര​ത്തി​ലെ 18 അ​ടി​പ്പാ​ത​ക​ളു​ടെ​യും വി​വ​രം ബി.​ബി.​എം.​പി ക​മീ​ഷ​ണ​ർ തു​ഷാ​ർ ഗി​രി​നാ​ഥ് തേ​ടി. എ​ല്ലാ അ​ടി​പ്പാ​ത​ക​ളും പ​രി​ശോ​ധി​ച്ച ശേ​ഷം വെ​ള്ള​മൊ​ഴു​കി​പ്പോ​കാ​ൻ പ്ര​ത്യേ​കം ഡ്രെ​യി​നേ​ജ് സം​വി​ധാ​ന​മി​ല്ലാ​ത്ത​വ ത​ൽ​ക്കാ​ല​ത്തേ​ക്ക് അ​ട​ച്ചി​ടാ​നാ​ണ് തീ​രു​മാ​നം. മ​ര​ണ​പ്പെ​ട്ട ഇ​ൻ​ഫോ​സി​സ് ജീ​വ​ന​ക്കാ​രി ബാ​നു രേ​ഖ​യു​ടെ കു​ടും​ബ​ത്തെ ആ​ശു​പ​ത്രി​യി​ൽ സ​ന്ദ​ർ​ശി​ച്ച മു​ഖ്യ​മ​ന്ത്രി സി​ദ്ധ​രാ​മ​യ്യ അ​ഞ്ചു ല​ക്ഷം രൂ​പ സ​ഹാ​യ ധ​നം പ്ര​ഖ്യാ​പി​ച്ചി​ട്ടു​ണ്ട്. സം​ഭ​വ​ത്തി​ൽ കാ​ർ ഡ്രൈ​വ​ർ ഹ​രീ​ഷ് അ​റ​സ്റ്റി​ലാ​യി.

മ​ര​ണ​പ്പെ​ട്ട ബാ​നു രേ​ഖ​യു​ടെ സ​ഹോ​ദ​ര​ൻ സ​ന്ദീ​പ് ന​ൽ​കി​യ പ​രാ​തി​യി​ൽ അ​ശ്ര​ദ്ധ​മാ​യി വാ​ഹ​ന​മോ​ടി​ച്ചെ​ന്ന കാ​ര​ണം ചൂ​ണ്ടി​ക്കാ​ട്ടി അ​ൾ​സു​ർ ഗേ​റ്റ് പൊ​ലീ​സാ​ണ് അ​റ​സ്റ്റ് രേ​ഖ​പ്പെ​ടു​ത്തി​യ​ത്. കേ​സി​ൽ ബൃ​ഹ​ത് ബം​ഗ​ളൂ​രു മ​ഹാ​ന​ഗ​ര പാ​ലി​കെ (ബി.​ബി.​എം.​പി) ഉ​ദ്യോ​ഗ​സ്ഥ​രെ​യും പ്ര​തി​ചേ​ർ​ത്തു. കേ​സി​ൽ ബി.​ബി.​എം.​പി​യു​ടെ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ൻ ഒ​ന്നാം പ്ര​തി​യും ഡ്രൈ​വ​ർ ര​ണ്ടാം പ്ര​തി​യു​മാ​ണ്. അ​പ​ക​ട​ത്തി​ൽ​പെ​ട്ട കാ​റും ക​സ്റ്റ​ഡി​യി​ലെ​ടു​ത്തു. ഡ്രൈ​വ​ർ​ക്കെ​തി​രെ ഐ.​പി.​സി 304 എ ​വ​കു​പ്പു പ്ര​കാ​ര​മാ​ണ് കേ​സെ​ടു​ത്ത​ത്.

ഞാ​യ​റാ​ഴ്ച വൈ​കീ​ട്ടാ​ണ് ടെ​ക്കി​യാ​യ യു​വ​തി​യു​ടെ ദാ​രു​ണ മ​ര​ണം ന​ട​ന്ന​ത്. വൈ​കീ​ട്ട് ക​ന​ത്ത മ​ഴ​യി​ൽ വി​ധാ​ൻ സൗ​ധ​ക്ക് സ​മീ​പം കെ.​ആ​ർ സ​ർ​ക്കി​ളി​ലെ അ​ടി​പ്പാ​ത​യി​ൽ വെ​ള്ള​ക്കെ​ട്ടി​ൽ ഇ​വ​ർ കു​ടും​ബ​ത്തോ​ടൊ​പ്പം സ​ഞ്ച​രി​ച്ച കാ​ർ മു​ങ്ങു​ക​യാ​യി​രു​ന്നു. അ​പ​ക​ട​ത്തെ തു​ട​ർ​ന്നു​ള്ള ര​ക്ഷാ പ്ര​വ​ർ​ത്ത​ന​ത്തി​ലെ പി​ഴ​വാ​ണ് യു​വ​തി മ​രി​ക്കാ​നി​ട​യാ​ക്കി​യ​തെ​ന്ന വി​മ​ർ​ശ​ന​വു​മാ​യി മു​ൻ മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ കു​റ്റ​പ്പെ​ടു​ത്തി.

അ​പ​ക​ട​ത്തി​ൽ അ​തീ​വ ദുഃ​ഖ​മു​ണ്ടെ​ന്നും ബാ​നു​രേ​ഖ​യു​ടെ കു​ടും​ബ​ത്തി​ന് എ​ല്ലാ​വി​ധ പി​ന്തു​ണ​യും ന​ൽ​കു​മെ​ന്ന് ഇ​ൻ​ഫോ​സി​സ് അ​ധി​കൃ​ത​ർ പ്ര​സ്താ​വ​ന​യി​ൽ അ​റി​യി​ച്ചു. ഇ​ൻ​ഫോ​സി​സി​ലെ ജീ​വ​ന​ക്കാ​രി​യാ​യി​രു​ന്നു 22 കാ​രി​യാ​യ ബാ​നു​രേ​ഖ.