ബംഗളൂരു: സമസ്ത കേരള ഇസ്ലാം മത വിദ്യാഭ്യാസ ബോർഡിന് കീഴിൽ പ്രവർത്തിച്ചുവരുന്ന ആധുനിക വിദ്യാഭ്യാസവും ധാർമിക വിജ്ഞാനവും സമന്വയിപ്പിച്ചുകൊണ്ടുള്ള നൂതന പാഠ്യപദ്ധതിയായ അൽ ബിർറ് സ്കൂൾ ബംഗളൂരുവിലും തുടങ്ങുമെന്ന് സ്കൂൾ മേധാവികൾ പറഞ്ഞു. അൽ ബിർറ് സ്കൂൾ ബംഗളൂരു മഹല്ല് സംഗമത്തിലാണ് സാധ്യതപഠനവും ചർച്ചകളും നടന്നത്. ഇതിനായി മഹല്ലുകൾ കേന്ദ്രീകരിച്ച് കൂടുതൽ സാധ്യതകൾ പഠിക്കുന്നതിന് അഡ് ഹോക്ക് കമ്മിറ്റി രൂപവത്കരിച്ചു.
വർഷങ്ങളായി കേരളത്തിൽ ഇതിന്റെ പ്രവർത്തനം നടക്കുന്നു. കുട്ടികളിൽ ആശാവഹമായ പുരോഗതി കണ്ടെത്താൻ കഴിഞ്ഞിട്ടുണ്ട്. അത്തരത്തിൽ ഒരു സംവിധാനമാണ് ബംഗളൂരുവിലും ആലോചിക്കുന്നത്. സംഗമം എം.എം.എ ജനറൽ സെക്രട്ടറി ടി.സി. സിറാജ് ഉദ്ഘാടനം ചെയ്തു. നാസർ നീലസാന്ദ്ര അധ്യക്ഷത വഹിച്ചു. ശാഹിദ് ഐ.എ.എസ്, പി.എം. അബ്ദുലത്തീഫ് ഹാജി, എം.കെ. നൗഷാദ് തുടങ്ങിയവർ സംസാരിച്ചു.
അഡ്മിനിസ്ട്രേറ്റിവ് ഡയറക്ടർ കെ.പി. മുഹമ്മദ്, ട്രെയ്നിങ് കൺവീനർ ഫൈസൽ ഹുദവി, എക്സാമിനേഷൻ ചെയർമാൻ റഷീദ് തുടങ്ങിയവർ ചർച്ചക്ക് നേതൃത്വം നൽകി. കമ്മിറ്റി ഭാരവാഹികളായി പി.എം. അബ്ദുൽ ലത്തീഫ് ഹാജി, നാസർ നീലസാന്ദ്ര, അർഷദ് തുടങ്ങിയവരെ തിരഞ്ഞെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.