കല്ലമ്പലം: നാവായിക്കുളം പഞ്ചായത്തിലെ ഇടമൺനില വാർഡിലെ ഉപതെരഞ്ഞെടുപ്പ് സമാധാനപരമായി നടന്നു. രാവിലെ മന്ദഗതിയിലാരംഭിച്ച പോളിങ് ഉച്ചക്കുശേഷമാണ് സജീവമായത്. 81 ശതമാനം പോളിങ് നടന്നതായി വരണാധികാരി അനിൽകുമാർ അറിയിച്ചു. ഇടമൺനില എസ്.എൻ.വി.എൽ.പി.എസിൽ ക്രമീകരിച്ച രണ്ട് ബൂത്തുകളിലാണ് വോെടടെുപ്പ് നടന്നത്. രണ്ട് ബൂത്തിലുമായി 1443 വോട്ടർമാരാണുള്ളത്. നിലവിലെ വാർഡ് മെംബർ യു.ഡി.എഫിലെ എച്ച്. ഷെരീഫ് നിര്യാതനായതിനെ തുടർന്നാണ് ഉപതെരഞ്ഞെടുപ്പ് വേണ്ടിവന്നത്. വെള്ളിയാഴ്ച നാവായിക്കുളം പഞ്ചായത്ത് ഹാളിൽ രാവിലെ ഒമ്പത് മണിയോടെ വോട്ടെണ്ണൽ ആരംഭിക്കും. 11 മണിയോടെ ഫലമറിയാം. യു.ഡി.എഫ് സ്ഥാനാർഥി ഷാനവാസ്, എൽ.ഡി.എഫ് സ്ഥാനാർഥി എം. നജീം, എൻ.ഡി.എ സ്ഥാനാർഥി രതീഷ് കുമാർ, ബി.എസ്.പി സ്ഥാനാർഥി അജി എന്നിവരാണ് മത്സരരംഗത്തുണ്ടായിരുന്നത്. ആകെ 22 സീറ്റുള്ള, യു.ഡി.എഫ് ഭരിക്കുന്ന പഞ്ചായത്തിൽ യു.ഡി.എഫ് -13, എൽ.ഡി.എഫ് -അഞ്ച്, ബി.ജെ.പി- മൂന്ന് എന്നിങ്ങനെയാണ് കക്ഷിനില.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.