കോവളം: ലോക ഭക്ഷ്യദിനത്തോടനുബന്ധിച്ച് വിദ്യാർഥികളെ ബോധവത്കരിക്കുന്നതിന് 'ഭക്ഷണം പാഴാക്കരുത്-സുസ്ഥിരവും ആരോഗ്യകരവുമായ ഭക്ഷണം ശീലമാക്കുക' തുടങ്ങിയ മുദ്രാവാക്യങ്ങൾ ഉയർത്തി ഉദയസമുദ്ര ഗ്രൂപ് വിദ്യാർഥികൾക്ക് സംഘടിപ്പിച്ച ചിത്രരചന മത്സരം എം. വിൻസെൻറ് എം.എൽ.എ ഉദ്ഘാടനം ചെയ്തു. മൂന്ന് വിഭാഗങ്ങളിലായി വിവിധ സ്കൂളുകളിൽനിന്ന് 50 വിദ്യാർഥികളാണ് മത്സരത്തിൽ പങ്കെടുത്തത്. വിജയികൾക്കുള്ള സമ്മാനദാനം കേരള യൂനിവേഴ്സിറ്റിയുടെ പെർഫോമിങ് ആൻഡ് വിഷ്വൽ ആർട്സ് സെൻറർ ഡയറക്ടർ ഡോ. രാജാവാര്യർ നിർവഹിച്ചു. മാധ്യമ പ്രവർത്തകരായ അയൂബ്ഖാൻ, രാജേന്ദ്രകുമാർ, ഉദയസമുദ്ര സി.ഇ.ഒ രാജഗോപാൽ അയ്യർ, മോഹന കുമാരൻ നായർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.