തിരുവനന്തപുരം: കോട്ടയം കാഞ്ഞിരപ്പളളി സെൻറ് ഡൊമിനിക്സ് കോളജ് രണ്ടാംവര്ഷ ബി.കോം വിദ്യാർഥിനിയും എരുമേലി മുക്കുട്ടുതറ കുന്നത്ത് ജെയിംസ് ജോസഫിെൻറ മകളുമായ ജെസ്ന മരിയ ജെയിംസിനെ കാണാതായ സംഭവത്തില് അന്വേഷണം ഊര്ജിതപ്പെടുത്തണമെന്ന് വനിതാ കമീഷന് ആവശ്യപ്പെട്ടു. പ്രത്യേക സംഘത്തിെൻറ അന്വേഷണം ത്വരിതപ്പെടുത്തണമെന്ന് ചെയര്പേഴ്സണ് എം.സി. ജോസഫൈൻ ഡി.ജി.പിയോട് ആവശ്യപ്പെട്ടു. സംഭവവുമായി ബന്ധപ്പെട്ട് വനിതാ കമീഷന് നേരത്തേ സ്വമേധയാ കേസെടുത്തിരുന്നു. ചെയര്പേഴ്സെൻറ നിര്ദേശ പ്രകാരം ജില്ലാ പൊലീസ് മേധാവിയോട് അന്വേഷണ റിപ്പോര്ട്ടും ആവശ്യപ്പെട്ടിരുന്നു. എന്നാല്, ജെസ്നയെ ഇതുവരെ കണ്ടെത്താനാവാത്ത സാഹചര്യത്തിലാണ് നടപടി. കഴിഞ്ഞ മാര്ച്ച് 22 നാണ് ജെസ്നയെ കാണാതായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.