തിരുവനന്തപുരം: മലങ്കര ഓർത്തഡോക്സ് സഭയുടെ സീനിയർ വൈദികനും സൗത്ത് വെസ്റ്റ് അമേരിക്കൻ ഭദ്രാസനത്തിലെ അറ്റ്ലാൻറ സെൻറ് ഗ്രിഗോറിയോസ് ഓർത്തഡോക്സ് ഇടവക വികാരിയുമായ റവ. ഫാ. ജോൺ കോശി വൈദ്യൻ (67-വൈദ്യൻ അച്ചൻ) അറ്റ്ലാൻറയിൽ നിര്യാതനായി. തേവലക്കര വാഴയിൽ വൈദ്യൻ കുടുംബത്തിൽ അന്നമ്മജോണിെൻറയും പരേതനായ ജോൺ വൈദ്യെൻറയും മകനായി കൊട്ടാരക്കര കിഴക്കേത്തെരുവ് കടുവാത്തോട്ടത്തിൽ കുടുംബത്തിലായിരുന്നു ജനനം. 1975ൽ ശെമ്മാശ്ശപട്ടവും 1984ൽ വൈദികപട്ടവും സ്വീകരിച്ച വൈദ്യൻ അച്ചൻ ഏകദേശം 14 വർഷത്തോളം യു.എ.ഇയിലെ ഫ്യുജയ്റ, ഖോർ ഫാക്കാൻ, ഷാർജ എന്നിവിടങ്ങളിൽ സേവനമനുഷ്ഠിച്ചു. പിന്നീട് 1987 -മുതൽ കൊല്ലം, തിരുവനന്തപുരം ഭദ്രാസനങ്ങളിലെ വിവിധ ദേവാലയങ്ങളിൽ വികാരിയായി സേവനമനുഷ്ഠിച്ചു. 2006ൽ കുടുംബമായി അമേരിക്കയിലേക്ക് കുടിയേറിയ വൈദ്യൻ അച്ചൻ മലങ്കര ഓർത്തഡോക്സ് സഭയുടെ അമേരിക്കയിലേ വിവിധദേവാലയങ്ങളിൽ വികാരിയായി ശുശ്രൂഷ അനുഷ്ഠിച്ചിട്ടുണ്ട്. സഹോദരങ്ങൾ: കോശി വൈദ്യൻ (ചിക്കാഗോ), മറിയാമ്മ ജോർജ് (ചിക്കാഗോ), ഏലിയാമ്മ തോമസ് (തിരുവനതപുരം). ചെങ്കുളം ക്ലാവറ പുത്തൻവീട്ടിൽ കുടുംബാഗമായ ഏലിയാമ്മ ജോണാണ് ഭാര്യ. മക്കൾ: ജേക്കബ് വൈദ്യൻ (ഷിബു), ഡോ. ഷൈനി ജോൺ (ഡാളസ്). മരുമക്കൾ: ജീന തോമസ്, ബ്രൈസ് എബ്രഹാം (ഡാളസ്).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.