നെയ്യാറ്റിൻകര: പോസ്റ്റുകളിലും ദേശീയപാതക്കരികിലും വിവിധ സംഘടനകളുടെ ഫ്ലക്സ് ബോർഡുകൾ നിറയുമ്പോഴും നടപടി സ്വീകരിക്കാതെ വൈദ്യുതിവകുപ്പും മറ്റ് അധികൃതരും. ബാലരാമപുരം ജങ്ഷന് സമീപത്തെ വൈദ്യുതി പോസ്റ്റുകളിലാണ് യാത്രതടസ്സം സൃഷ്ടിച്ച് ഫ്ലക്സ് ബോർഡുകൾ നിറഞ്ഞിരിക്കുന്നത്. എന്നാൽ, വൈദ്യുതി വകുപ്പ് അധികൃതർ ഇതൊന്നും അറിഞ്ഞ ഭാവമില്ല. നെയ്യാറ്റിൻകര, ബാലരാമപുരം പ്രദേശങ്ങളിലാണ് ഫ്ലക്സ് ബോർഡുകൾ നിറയുന്നത്. ഇതുമൂലം, വൈദ്യുതി വകുപ്പിലെ ജീവനക്കാർ അറ്റകുറ്റപ്പണിക്കായി പോസ്റ്റുകളിൽ കയറാൻ ഏറെ ബുദ്ധിമുട്ടാണ്. ദേശീയപാതയോരങ്ങളിൽ ഫ്ലക്സ് ബോർഡുകൾ വെക്കുന്നത് തടഞ്ഞുകൊണ്ട് കോടതി ഉത്തരവ് പുറപ്പെടുവിച്ചിട്ടുണ്ട്. എന്നാൽ ഇത് കാറ്റിൽപറത്തുകയാണ് അധികൃതർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.