ഇരവിപുരം: റോഡരികിലെ മേൽമൂടികൾ തകർന്ന ഓട അപകടങ്ങൾക്കിടയാക്കുന്നു. പള്ളിമുക്ക് -അയത്തിൽ റോഡിൽ ബി.എഡ് കോളജിന് സമീപത്തെ വളവിലെ ഓടയുടെ മേൽമൂടിയാണ് തകർന്നത്. അപകടസാധ്യത കൂടിയ പ്രദേശമായ ഇവിടെ ഇരുചക്രവാഹനങ്ങൾ ഓടയിൽവീഴുകയും അപകടങ്ങൾ ഉണ്ടാകുന്നതും പതിവാണ്. രാത്രിയിൽ വളവ് തിരിഞ്ഞുവരുന്ന വാഹനങ്ങൾക്ക് ഓടക്ക് മേൽമൂടിയില്ലാത്ത കാര്യം അറിയാൻ കഴിയില്ല. പള്ളിമുക്ക് മാർക്കറ്റ് മുതൽ ബി.എഡ് കോളജ് വരെ ഓടയുടെ മേൽമൂടികൾ പലതും തകർന്നുകിടക്കുകയാണ്. കോർപറേഷൻ, പൊതുമരാമത്ത് വകുപ്പ് അധികൃതർക്ക് നാട്ടുകാർ പലതവണ പരാതി നൽകിയെങ്കിലും ഫലമുണ്ടായിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.