പൂവാർ: വീട്ടിലെ കിടപ്പുമുറിയിൽ ചാരായം വാറ്റിയ യുവാവിനെ തിരുപുറം എക്സൈസ് സംഘം പിടികൂടി. ഇയാൾ വാറ്റിയ ചാരായവും വാറ്റുപകരണങ്ങളും പിടിച്ചെടുത്തു. അരംഗമുഗൾ കുഞ്ചുവീട്ടിൽ കിട്ടു എന്ന മനോജിനെ (27)യാണ് പിടികൂടിയത്. പാചകവാതകം ഉപയോഗിച്ചായിരുന്നു വാറ്റ്. ഇയാളുടെ വീടിെൻറ പരിസരത്തു സൂക്ഷിച്ചിരുന്ന 150 ലിറ്റർ കോട, 10 ലിറ്റർ ചാരായം, കാനുകൾ, പാചക വാതകം തുടങ്ങിയവയും പിടിച്ചെടുത്തിട്ടുണ്ട്. രഹസ്യവിവരത്തെ തുടർന്ന് നടത്തിയ പരിശോധനയിലാണ് അറസ്റ്റ്. കോടതിയിൽ ഹാജരാക്കിയ മനോജിനെ റിമാൻഡ് ചെയ്തു. ഒട്ടേറെ അടിപടി കേസുകളിലും പ്രതിയാണ് ഇയാളെന്ന് ഉദ്യോഗസ്ഥർ അറിയിച്ചു. തിരുപുറം എക്സൈസ് ഇൻസ്പെക്ടർ പി.എൽ. ഷിബുവിെൻറ നേതൃത്വത്തിൽ ഉദ്യോഗസ്ഥരായ ബാബു, വിജയൻ, അജികുമാർ, ബൈജു, സ്റ്റീഫൻ എന്നിവർ ചേർന്നാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.