പാറശ്ശാല: നെയ്യാറ്റിൻകര താലൂക്കിൽ 40 ഓളം കടകൾ കുത്തിത്തുറന്ന് മോഷണം നടത്തിയ പ്രതിയെ തമിഴ്നാട് പൊലീസും കേരള പൊലീസും ചേർന്ന് പിടികൂടി. ആര്യങ്കോട് കീഴറൂർ കുറ്റിയാണിക്കാട് സ്വദേശി മണികണ്ഠനാണ് (28) പിടിയിലായത്. കഴിഞ്ഞ ദിവസം നാഗർകോവിലിൽനിന്നാണ് പൊലീസ് കസ്റ്റഡിയിലെടുത്തത്. പ്രതി നാഗർകോവിലിൽ താമസിക്കുകയാണെന്ന വിവരത്തെ തുടർന്ന് തമിഴ്നാട് പൊലീസുമായി ബന്ധപ്പെട്ടാണ് പിടികൂടിയത്. നെയ്യാറ്റിൻകരയിൽ നടന്ന മോഷണത്തിലെ സി.സി ടി.വി ദൃശ്യങ്ങൾ പരിശോധിച്ചപ്പോഴാണ് ആര്യങ്കോട് മണികണ്ഠനാണെന്ന സൂചന ലഭിച്ചത്. തമിഴ്നാട്ടിലും നിരവധി മോഷണക്കേസിൽ പ്രതിയാണെന്നും ഈ കേസുകളുടെ തെളിവെടുപ്പ് നടത്തിയ ശേഷമേ കേരള പൊലീസിന് കൈമാറുകയുള്ളൂവെന്നും അറിയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.