മലയിൻകീഴ്: വിളവൂക്കൽ പഞ്ചായത്തിലുൾപ്പെട്ട പനങ്ങോട് വാർഡിലെ കാരാംകോട്ട് കോണം, ആലന്തറക്കോണം ഭാഗങ്ങളിൽ വൈദ്യുതി മുടക്കത്തിന് അറുതിവരുന്നില്ല. ഇതിൽ പ്രതിഷേധിച്ച് പ്രക്ഷോഭം സംഘടിപ്പിക്കുമെന്ന് വാർത്തസമ്മേളനത്തിൽ ജില്ല കോൺഗ്രസ് കമ്മിറ്റി അംഗം ബിനു തോമസ് പറഞ്ഞു. കഴിഞ്ഞ ഒരുവർഷമായി പ്രദേശത്താകെ വോൾട്ടേജ് ക്ഷാമം അനുഭവപ്പെടുന്നുണ്ട്. വോൾട്ടേജ് ക്ഷാമം പരിഗണിക്കണമെന്ന് ആവശ്യപ്പെട്ട് പ്രദേശവാസികൾ ഒപ്പിട്ട നിവേദനം നൽകിയെങ്കിലും ഒരു പ്രയോജനവുമുണ്ടായിട്ടില്ലെന്നും അദ്ദേഹം ആരോപിച്ചു. ജൂലൈ മൂന്നിന് പേയാട് കെ.എസ്.ഇ.ബി ഓഫിസിന് മുന്നിൽ കോൺഗ്രസിെൻറ നേതൃത്വത്തിൽ പ്രക്ഷോഭം നടത്തുമെന്നും ബിനു തോമസ് പറഞ്ഞു. കർഷക കോൺഗ്രസ് മണ്ഡലം സെക്രട്ടറി ജി. രതീഷ്, എസ്.യു. ശ്രീകുമാർ, അശ്വിൻ ആൽഫ്രഡ്, ടി. അഖിരാജ് എന്നിവരും വാർത്തസമ്മേളനത്തിനെത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.