കൊട്ടിയം: ആശുപത്രികൾ ചികിത്സ നിഷേധിച്ചതിനെ തുടർന്ന് തമിഴ്നാട് സ്വേദശി മരിക്കാനിടയായ സംഭവത്തിൽ ഡോക്ടർമാർ അറസ്റ്റിലാകാൻ സാധ്യത. കേസെടുത്ത ആശുപത്രികളിലെ നിരീക്ഷണ കാമറകൾ പരിശോധിച്ചതിെൻറ അടിസ്ഥാനത്തിലാണിത്. കേസെടുത്ത ആറ് ആശുപത്രികളിൽ അഞ്ചും ചികിത്സ നൽകുന്നതിൽ വീഴ്ച വരുത്തിയിട്ടുണ്ടെന്നാണ് പൊലീസിെൻറ കണ്ടെത്തൽ. ബുധനാഴ്ച ആശുപത്രികളിൽ എത്തിയ പൊലീസ് കൂടുതൽ പേരിൽനിന്ന് വിവരങ്ങൾ ചോദിച്ചറിയുകയും സംഭവ ദിവസം ഡ്യൂട്ടിയിൽ ഉണ്ടായിരുന്ന പലരുടെയും മൊഴി രേഖപ്പെടുത്തുകയും ചെയ്തിട്ടുണ്ട്. പരിേക്കറ്റയാളെയുംകൊണ്ട് ആശുപത്രികളിൽ എത്തിയ ആംബുലൻസിലുണ്ടായിരുന്നവരെ ബുധനാഴ്ച കൊട്ടിയം സി.ഐ ഓഫിസിൽ വിളിച്ചുവരുത്തി മൊഴി രേഖപ്പെടുത്തി. ഡോക്ടർമാരുടെ ഭാഗത്തുനിന്ന് വീഴ്ചയുണ്ടായെന്ന് തെളിഞ്ഞാൽ അറസറ്റ് ചെയ്യാൻ ഉന്നത പൊലീസ് ഉദ്യോഗസ്ഥർ അന്വേഷണ സംഘത്തിന് അനുമതി നൽകിയെന്നാണ് സൂചന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.